Diib origami 03 الكلاش التالت وهو تتمة ديال جوج كلاشات لي دازو الا شفتو بوسطيرة لي حاط ديب كتكمل دوك بوسطيرات لي دازو وكيوضح لينا ديب صورة كاملة وكيشرح لينا المعنى ديال دوك بوسطيرات لي حط لولة فيها وينزة عبارة عن ورقة مطوية واقفة وبوليسي كيسرفقها اشارة الى ديك الحادثة لي وقعات ليه مع بوليسي وتانية ديال كلاش تاني فاش دارو كيشطح بريك دانس يعني هو عبارة عن كلون او راقص دار باش يضحك ناس وصافي وفي نفس الوقت طريقة باش موقفو كتبين بلي وينزة معدب وكيبان لينا شخصية ديب شاد الورقة التالتة يلاه كيشكل فيها يعني باقي كلاش اخر جاي في طريق من ورا ميجاوب وينزة ديب بادي الكلاش وهو كيعتابر وينزة غير بيدق كيتم تحريك ديالو او عبارة عن دمية كيتم تحكم فيها بخيوط الماريونيط وبلي هو كيوجه الكلام لهداك لي فوق منو وكيتحكم فيه وهنا اشارة بلي وينزة مصنوع وداك الكلاش لي حط غير كاتبينو ليه.. رد عليه على بلان البوليسي وبلي هو عمرو يتشد او يوقفو شي بوليسي حينت عارف شنو كيدير.. وكيستهزء الديب ب وينزة وكيعتابرو كيخربق في الكتابة وفي راب وبلي في راب غير فكاهي كيجيبوه في المنابر الإعلامية باش ينشطهم ويظحكهم وفاش قاليه بلي في راب محدود وبلي لا خطاه المعيور وتخصار الهظرة كيبان تالف بين ليه بلي الكلاش وراب من غير انه خرج من زنقة وشارع فراه خاص تكون عندك تجربة فيه وتكون واعي وعايشو وفاهم الحياة ظحكني فاش غاليه لا وليت جيزي تولي نتا بينوسيه حينت جيزي شحال من مرة خان مراتو بيونسيه مع ذالك متفارقاتش معاه وبقات لاسقة فيه حينت محتاجة ليه وهنا ديب غال وينزة كون مكونتش انا تاحد ميعرفك بسبب الخلاف لي وقع بيناتهم.. ديب كيعتابر وينزة غير انفليونسور وفعلا تانا كنشوفو هكا عمري عتابرتو رابور كيبان ليا بحال شي يوتيوبر وبلي نتا ديكور في هاد الكلاش مصاوب من اوريغامي وكيصحاب راسك وليتي ممثل يعني وليتي رابور.. رد ليه البلان ديال سالفادور دالي وبلي رسومات ديالو غاليين وماشي ايا كان يشريهم ويفهمهم بحال موسيقى ديال ديب وبلي ديب هو لي شعل العافية في دارو حينت سالفادور دالي شعلات فيه العافية وسط بيتو في 1984 ولحد الأن معرفوش سبب وكيفاش شعلات.. وطنز عليه علا بلان بوليسي والكاسك وبلي كيصحاب راسو في كوكب زمردة مخالف القوانين وكيتسنا البوليسي يبوسو ويعنقو.. البلان لي غلت ليكم لي تشفا يتبلى والحياة حناتة هاهو جاوب عليه ديب بحالا كان كيسمعني قاليه متشفيتش وبالعكس ديما كيوقف مع دراري وكيعاونهم.. ديب مزال كيعتابر وينزة مصنوع وشخصية وهمية وكيعتابرو مكلخ بحال شي مصري وجبد عاود ليل واحد من اساطير الراب المغربي ولي بداو الراب المغربي بطراك سميت سامية والغالية طراك كيدوي على جوج شخصيات مختلفات اجتماعيا وكيعيشو فوارق اجتماعية وكل وحدة كيفاش كبرات عاشت حياتها.. بالنسبة لهاتوري هانزو اصلو ماشي في كيبيك وهي مقاطعة في كندا وإنما اصلو من ميكاوا اليابانية زعمة قديم وعندو تاريخ وهنا ديب بغا يقوليه بلي انا راه قديم عليك في هاد راب.. مزال ديب كيعتابر وينزة من اصل يهودي خائن وهنا يمكن بغا يقصد اليهود العرب لي سكنو في المغرب في ما يسمى بالعروبية لي مكيعرفوش الأمازيغية بلي كانو عبارة عن يهود خونة... وكيدير مقارنة بين راب ديالو وديال وينزة وبلي هو خاتر عليه وطركات ديالو في الكتابة والمواضيع كيدويو عليه.. عجباتني اإلهنا لديب ونتا مشرك جاوبو زعمة فاش قاليه ليفان ديالك عبادة غاليه لكنت انا اله نتا تكون مشرك 😂..ديب كيشوف وينزة محدود وحتا في تعامل ديالو محدود فاش بدا يسب بيبليك فاش بداو عليه مديكالي ناض كيسب في الجمهور حينت نتاقدوه في شونجمو تانية ديب كيكمل في الكلاش مع الإيغو وكينصح في وينزا يعاود الحساب ويبعد من العاطفة في الكلاش وميبقاش يدير فيها محغور باش يتعاطف معاه بنادم ونصحو يكون شخصية قوية ويبين لي عندو في راب. هدا ما كان الخوت سمحوليا طولت عليكم...