#dosjak #reporttv
Në vitet 30 dhe fillim vitet 40, në Pilur të Devollit të gjithë e njihnin familjen Bylykbashi, për vlerat e larta partiotike që ata përfaqësonin por edhe për statusin e tyre ekonimik e social, një familje që do të pësonte një persekutim të gjatë e të ashpër, në disa breza, gjatë regjimit komunist.
Gjithçka ishte nxitur për shkak të qëndrimit nacionalist të tyre gjatë Luftës së Dytë Boterore si dhe për shkak të pasurisë që ata posedonin prej disa dekadash. Këto do të bëshin shkak që fill pas mbarimit të luftës të niste përndjekja dhe persekutimet për fisin Bylykbashi.
Fillimisht kishin pushkatuar Novruz Bylykbashin e më pas kishin burgosur vëllanë e tij Arifin, i cili ishte mbajtur në burg për pak vite. Ndërkohë familja përballej me kërcënime pafund për të dorëzuar florinjtë. Nën presione të pandërprera dhe pasi Arifi kishte dalë nga burgu, dy vëllezërit Zenel dhe Arif Bylykbashi kishin marrë seicili nga një djalë me vete dhe ishin arratisur në Greqi. Ky akt, e kishte nxitur regjimin të shkarkonte gjithë hakmarrjen ndaj familjarëve të mbetur në Shqipëri. Ngjarjet që ata do të përjetonin do të ishin të mbushura me ankthin e vrasjeve, burgosjeve dhe kalvarit të internimeve.
Besa Bylykbashi, lindi në zemër të këtij persekutimi, e dënuar si fëmijë armiku që kur ishte në barkun e nënës së saj. Ajo do të na tregojë historinë e gjyshit të saj Zenel Bylykbashit, persekutimin e familjes së tyre dhe përjetimet e një fëmijë të lindur në internim e që u rrit duke u endur rrugëve drejt burgjeve për të parë , fare pak minuta, babanë e burgosur pas hekurave.
4 окт 2024
