City: Karachi Year: 2001 Dr. Pirzada Qasim is the current VC of Karachi University. a very well known poet among Adbi circles as well as public. UrduLife.com Producer: Amjad Sheikh
Ruswaayi ka mela tha so maine nahi dekha Apna hi tamaasha tha so maine nahi dekha Us khwab-e-tamanna ki taabeer na thi koyee Bas khwab-e-tamanna tha so maine nahi dekha Nairang - e duniya ka manzar tha hasiin lekin, Is sar mei.n bhi sauda tha, so maine nahi dekha Pyaase to rahe lekin tauqeer nahi khoyee Daryaa jo paraaya tha so maine nahi dekha. Imroz ka aaina be-aks na tha lekin Andeshaaye-e-farda tha so maine nahi dekha Mujh aaina-gar ko bhi ek paiker e be-chehra aaina dekhaata tha, so maine nahi dekha taabeer - interpretation of dream nairang - deceit, trick, magic tauqeer - respect, honour imroz - current day aks - reflection andeshaaye - fear farad - tomorrow andesshaye- e-farda - fear of tomorrow paiker - body, appearance
Jo dil kaa saath na de, to zabaa.n mein kuchh bhi nahi, Nahi, mein kuch bhi nahiin, aur haa.n mein kuch bhi nahi Mohabatto.n mein ba-juz aitbaar kuch bhi na tha, Jo ye nahi hai, to ab darmiyaa.n mein kuchh bhi nahi ye log bhool gaye, kya mere lahuu kii bahaar, jo keh rahe hai.n merii dastaa.n mein kuchh bhi nahi huye na hijr girftaar, na wasl shaad, to phir, zameen e shaauq tere aasmaa.n mei.n kuchh bhi nahi fughaa.n ka zarf to is aah-o-hoo se barh kar hai, nishaat-e-karb na ho to fughaa.n mein kuchh bhi nahi agar ye sang-e-jabii.n sang-e-aastaa.n chaahe, to phir jabiin o dar e aastaa.n mein kuchh bhi nahi ba-juz: with exception hijr - separation wasl - union shaad - happiness fughaa.n - lamentation zarf - capacity / container jabii.n - forehead
Na poochiye, kaha kya hai, unkahi kya hai. Azaab jhel rahaa hoo.n, sukhan-wari kya hai Hasee ke saath hi aankein chhalak gayii.n qaasim, Ye ek kaifeeyat e raqs e baahami kya hai