Gda se jemput seti kosec
da bi došel po mene,
čez konake nek me nose!
Čez vrbake sprevod pe!
Gda bu po me došel sprevod,
gda bu meni zvonele,
bude cvelo križno drevo.
Čez vrbake sprevod pe!
Beži z vrta, zapri vrata,
v kmičnu sobu skrij se mam!
Da ne spazim joka zlata,
da ne skrene sprevod tam.
Gda bu po me došel kosec,
budu zvezde gorele,
bu se glancal les od rose,
čez vrbake sprevod pe.
Bu mi steza čižme zula,
bu mi dišal senokoš,
a ti ne buš niti čula
kak na vrtu fučka kos.
Drago Britvić
25 авг 2024