اعجاز رحمانی مشاعرہ بیادِ قمر جلالوی ہوا کے واسطے اک کام چھوڑ آیا ہوں دیا جلا کے سرِ شام چھوڑ آیا ہوں اہتمام : لائبریری و ادبی کمیٹی کراچی کلب بہ شکریہ : عبدالحفیظ میمن
ہوا کے واسطے اک کام چھوڑ آیا ہوں دیا جلا کے سر شام چھوڑ آیا ہوں کبھی نصیب ہو فرصت تو اس کو پڑھ لینا وہ ایک خط جو ترے نام چھوڑ آیا ہوں ہوائے دشت و بیاباں بھی مجھ سے برہم ہے میں اپنے گھر کے در و بام چھوڑ آیا ہوں کوئی چراغ سر رہ گزر نہیں نہ سہی میں نقشِ پا کو بہر گام چھوڑ آیا ہوں ابھی تو اور بہت اس پہ تبصرے ہوں گے میں گفتگو میں جو ابہام چھوڑ آیا ہوں یہ کم نہیں ہے وضاحت مری اسیری کی پروں کے رنگ تہِ دام چھوڑ آیا ہوں وہاں سے ایک قدم بھی نہ جا سکی آگے جہاں پہ گردشِ ایام چھوڑ آیا ہوں مجھے جو ڈھونڈھنا چاہے وہ ڈھونڈھ لے اعجازؔ کہ اب میں کوچۂ گمنام چھوڑ آیا ہوں اعجاز رحمانی
میرے استاد اعجاز رحمانی کی شاعری میں کوئی مثال نہیں ہے استاد تھے اور استاد ہی ہیں جواب نہیں استاد کا ان کے سامنے کسی بھی کوئی بات نہیں اعجاز رحمانی کا شاگرد چاند علی
