Jamg‘arma jamoasi va rivojlangan xorijiy mamlakatlarda tahsil olib qaytgan va hozirgi kunda vazirlik-idoralarda faoliyat yuritayotgan stipendiatlar hamda hozirda yozgi ta’tilga qaytgan Jamg‘arma stipendiatlari Toshkent telekanalining "Siz nima deysiz?" tok-shousida ishtirok etishdi.
Ushbu tok-shousining mavzusi "Ta’lim grantlari, yoshlar uchun imkoniyat" deb nomlangan bo‘lib, Jamg‘arma tomonidan nomzodlar uchun taklif etilayotgan grantlar hamda stipendiatlar uchun yaratilayotgan qulayliklar haqida so‘z boradi.
Tok-shou davomida, Jamg‘arma stipendiyasi asosida kosmik muhandisligi, biotibbiyot yo‘nalishlarida bilim egallayotgan yoshlar fikrlarini tinglab, San-Fransisko konservatoriyasida tahsil olayotgan stipendiatlar ijrosida jahon opera durdonalaridan bahra olishingiz mumkin.
Shuningdek, Buyuk Britaniyaning London universitetida tahsil olib qaytgan Stipendiatimiz, 600 nafar chaqaloqni hayotga qaytargan kardiojarroh fikrlarini tinglashingiz mumkin.
EYUF axborot xizmati
5 июл 2024
