Enai....... इनाय------ //A Bodo short movie/Anjima film production, Chirang / Mwkthang Basumatary 

Anjima Film Production, Chirang
Story Script & Director- Mwkthang Basumatary,
Camera/ Editing & Voice Dubbing- Nobin Muchahary.. contact.6001165085
Background Music- Aronai SB Studio
Artist- Bhimbar, Jonali, Bisti Ram, Saya, Donda
अननानै रावबो Background music खौ Copy खालामना गावबा गावनि Movie आव दा बाहाय।
इनाय: बे सावथुननि सायाव आंनि मोनदांथि।
राखाउ बसुमतारी।
बे सावथुन इनाय सावथुनखौ अन्जिमा फिल्म प्रडाकसननि बेनाराव दिहुनदों मोगथां बसुमतारीया।सावथुननि रेबसुंथाइ आरो सल'नि जाथाइयाबो गावनि सोर्जिनाय। गावनो बिथोनबो होदों।
एसे नुथाइनि गेजेरजों गोनां आरो गैयिनि जाथाइखौनो इनाय सानथुनखौ महर होदों। फावखुंगुर, फावखुंग्रिफोरा गावबा गाव फावखौ मोजाङै बिफावलादों आरो जाफुंसारदोंबो। खिरफिननि बिफाव लादों- बिस्टिराम,खिरफिननि फिसालाया जादों-फावखुंगुर भिम्बर,फावखुंग्रिनि बिफावआव दं- जनाली आरो बिब' फावआव दङ'-साया,आरो बिदा-दन्दा। दन्दानि नखरा जोबोद गोरिब। बिनानावखौ फोरोंनो बिस्टिराम महाजोननि रुवाथि थाहैदोंमोन। लेखा-फरायाव मोजांब्लाबो रां रुफायाव मोनहासवा। बिदा दन्दाया बिनानाव जनालीखौ लेखा फोरोंनायाव एसेबो फावसयाखै। बिनानावनि गोसोखौ बायहोयाखै।
फारसेथिं बिस्टिरामनि आखुजों खिरफिन मानसिनि साननाय हनायखौ मोजाङै बेरखांहोदों।
ना पवासेखौ बोथिनै सङैनि सायाखौ रायदोंमोन आरो बे समावनो फावखुंगुर भिम्बर लोगो मोनफैयो। बिफाखौ खिरफिननि थाखाइनो बियो बोराबदोंमोन आरो बिफाया बिखौ मालायनि सायाव मावा दाङा जानायनि खोथा बुंदोंमोन।खिरफिननि थाखाइनो सानसे जोबस्रांगोन होननानै बुंदों।
बिनानावनि फर्म सुफुंनि खालारा खाथिनिफ्राइ खाथियाव फैनायलाय बिदा दन्दाया खामफ्लायाव जगाबायनानै जिंगासियोमोन।नाथाइ बिनानाव जनालीनो बियो बेफोरखौ दिन्थियामोन।
सानसे खालि दखानाव दन्दाया थावफानबायदोंमोन आरो बे समावनो बिस्टिराम खिबु सेरथेया थाव सोनो होननानै गावनि बाइखौ स्टेण्ड खालामफैदोंमोन- खावसे लिटार थावनि बाजि रांखौनो ब्रैजि रांनि बिदोंमोन। नाथाइ दन्दाया ब्रैजि राङाव हरनो राजि जायाखैमोन।बिदि रायफुनाय बुब्लियावनो गुबुन सांसें कास्ट'मारा थाव सोनो फैयो।नाथाइ बिस्टिरामा थावखौ मोजां नङा बुंनायाव बै कास्ट'मारा थावखौ सोलाङाखिसै। गावबो खिरफिन आरो मालाइ सोनो फैनायखौबो होबथाना ब्लथ थांदोंमोन।
फारसेथिं मेट्रिक आन्जाद लिरनांगौनि सुफुंलाइनि समा खाथियाव फैथारबायमोन। बिदा-बिनानाव रायलायनानै सायानि रुवाथि थानाय बेतनखौ बिहैनो थांनाया नाथाइ उलथासो जादोंमोन।बिनानाव उन्दैखौबो गावनियाव रुवाथि दोननोसो थिनदोंमोन।थेवबो सायानि मोननांगौ रांखौ हराखैमोन। बिफा-फिसा बेयावनो गेंग्रें गुंग्रुं जालायदों आरो बिफानि खिरफिन आखुखौ बोराबनानै सोंखारिदोंमोन।
बिस्टिरामनि गोर्बोआव अनखांनाय( sympathy आरो empathy) गैयि आरो हेफाब गैयि बेसेन मोन्दांथिनि सोलोंथाइ गैयिखौ रोखायै दिन्थिदों। फिसाला भिम्बरा नाथाइ उलथा स्रें सानस्रिखौ फोरमायदों( binary opposition)! जनालीनि फर्म सुफुंलाइनि रांखौ भिम्बरा स्रोद हैदोंमोन आरो बिफायाबो बिसोरनि बे हाबाखौ नुदोंमोन। बिस्टिरामनि खिरफिन गोसोआ बेयावनो रोखायै बेरखांदोंमोन।बिफानि जेबानि रांखौ बोथ्रोदनानै जनालीनि आंखालखौ सुफुंनायनि थाखाइ नायग्राफोरनिफ्राइ अननायखौ थारैनो मोनगोन।
खिरफिन मानसियारां गोमाब्ला मा महर लायो बेखौ बे सावथुननि गेजेरजों मोननो हायो। Actions आरो उननुथाइ आरो मावफुथाइनि बिथोनफ्रा सावथुनखौ जिउ गोनां खालामदों। इनाय सावथुननि इसिंनि थांखिया थारैनो जोंनि दावगाफु समाजाव बेसेन मोनदांथिनि सोलोंथाइ( value of education) होनायाव एसेब्ला माबा मोनसे सोलायनाय लाबोनो हागोन-बेखौ मिजिं थिनो हायो। मोगथां बसुमतारीनि सावथुन दिहुननायनि मिजिङा थारैनो गेवलांसारनो खाबु मोनगोन आरो नायग्राफोरा बोजबनानै लागोन।
************

Развлечения