E STUDIO 2014
www.facebook.c...
2008 оны зун "Намуун" студи дээр ажилтай сууж байхад найз Халзаа маань Алдар гэж нисгэгч залууг дагуулан ирлээ. Алдар аавдаа зориулан нэг дуу хиймээр байна аав маань бас нисгэгч байсан хүн гэж ярисанаар "Хайр" дууг хийх эхлэл тавигдав. Тэр дор нь "Намуун" студийн хажуугийн хаалганд хөгжим бичээд сууж байгаа Жакын өрөөрүү ороод толгойд байсан санаагаа ярилцан хөгжимийн найруулгаа хийлгэхээр захиалчихаад гарч явлаа. Жак удалгүй дуудан би орж хөгжимөө сонсход яг миний хүсч байсан зүйл мөн байлаа. Хөгжимөө хуулж аваад студийн доор байрлах биллярд клубруу орж найзууд надад садаа болохгүйн тулд чимээгүйхэн биллярд тоглож би чихэвч зүүн үг бичих ажилдаа орлоо. /хажуудаа "No Name" хамтлагийн Оргиог бас үг бич гээд суулгав хэ хэ /. Удсан ч үгүй дууны үг бэлэн болж эргээд "Намуун"руу ороод шууд бичүүлж үзлээ. Нэг бүтэн дуулж дуусаад за ямар байна гэхэд тэнд байсан хүмүүс их гоё байна ингээд ер нь болчих юм бишүү гэхээр нь за тэгвэл вокал хоолойнуудаа хийе гээд энэ дуу нэг л их хурдтай бөгөөд их гоё мэдрэмжээр бүтэж бэлэн болж билээ. Энэ дууны гол санаа нь би өөрөө аз жаргалын шувуу болон эргэн тойрон байгаа хүмүүсээ хайраар гэрэлтүүлж амьдрах учиртайг өгүүлсэн билээ.
"Хайр "
Аз жаргалын шувуухай минь чи нис
Амгалан цэнхэр тэнгэртээ дүүлэн нис
Уйтгарт бодлоос гуниг үргээн байж дуул
Урсах он цагийг хайраар гэрэлтүүл
Дураараа жиргэх шувуу шиг би
Дуулсаар л байна жаргалын тухай
Дахиад ирэхгүй хүүхэд үетэй минь
Даллаад байна тэр аз жаргал намайг
Одот тэнгэрийн доор орчлонг гэрэлтүүлдэг хайр
Олон сар жилийн урсгалд хайр мөнх
Хүмүүс аз жаргалыг хайна
Хүссэн жаргал нь хаана байна
Алдаж онохын цаана хайр мөнх
Алдаж эндэхийн цагт ааваа хүү нь
Алсын алсаас таныгаа л зорилоо
Аргадаж зэмлэсэн үгнээс тань ээжээ
Андуу хорвоог ухаарах юм муу хүү нь
Намайгаа хайрласан чамдаа би хайртай
Навчис гунигаар уйлхад уйтай ч /би чиний л дэргэд байх болно /
Холдон одох цаг хугацаанд анд минь
Харамлаж л явнадаа хамт байсан мөчүүдээ би
Одот тэнгэрийн доор орчлонг гэрэлтүүлдэг хайр
Олон сар жилийн урсгалд хайр мөнх
Хүмүүс аз жаргалыг хайна
Хүссэн аз жаргал нь хаана байна
Алдаж онохын цаана хайр мөнх
Аз жаргалыг би дэндүү алсаас хайдаг байж
Аз жаргал тэгхэд дэргэд минь байж тэр бол хайр
Мөрөөдөл минь надтай хамт тэр нь миний хайртай хүмүүс
Дүүлэн нисэх эрх чөлөө минь миний амьдрал
Дураараа зугаалах шувуу тэр бол би ...
АЗ ЖАРГАЛЫН ШУВУУХАЙ МИНЬ ЧИ НИС ..
29 авг 2024