Ermənistan silahlı qüvvələri Ağcabədi rayonunun yaşayış məntəqələrini ağır artilleriyadan atəşə tutub.
Rayonun İmamqulubəyli kənd icra nümayəndəsi Hamlet Ağayev APA TV-yə bildirib ki, kəndə düşən mərmilər 2 fərdi evdə dağıntılara səbəb olub. Sakinlər arasında xəsarət alan olmasa da, maddi ziyan dəyib.
Kənd icra nümayəndəsi Hamlet Ağayev bu hadisəni insanlığa sığmayan bir hərəkət adlandırıb: “Elə bilirəm ki, onlar orduda bir iş görə bilmirlər deyə dinc insanlarımıza, qəbirlərimizə atırlar ki, bizi narahat eləsinlər. Amma biz narahat olan deyilik. Allah Dövlətimizi, Prezidentimizi, Ordumuzu saxlasın”.
Kənd məzarlığına düşən top mərmiləri məzarüstü qəbir daşlarını dağıdıb. Eyni zamanda yerli sakinlərə məxsus mal-qara tələf olub.
Rəsmi facebook səhifəmiz: / tvapaxeber
Rəsmi instagram səhifəmiz: / apatvresmi
Rəsmi twitter səhifəmiz: / apatvofficial
#apatv #apaxeber
31 окт 2020