Esal e Sawab Peer Syed Faiz Ul Hassan Shah Chisti Rec Master Sound Chiniot 

قرآن کی تلا وت کا ثواب ٹرانسفر/ ایصال کرنا مرُدوں کے لئے قرآن خوانی ۔۔۔۔۔۔۔۔۔۔۔۔۔۔۔۔۔ اس عمل کے باطل و مردود ہونے کیلئے اتنا ہی کافی ہے کہ یہ عہد نبوی (صلی اللہ علیہ وسلم) میں نہ تھا۔ تاہم سب صحابہ کرام کا اس سے بے خبر ہونا صاف بتاتا ہے کہ یہ ’’مخترح و محدث فی الدین‘‘ ہے۔ اگر شریعت کے اندر اس کے متعلق ذرا سا بھی اشارہ ہوتا تو کسی نہ کسی صحابی سے قولاً یا عملاً اس کی بابت منقول ہوتا۔ حالانکہ نہ کسی صحابی نے نبی صلی اللہ علیہ وسلم کے لئے قرآن خوانی کی، نہ آپ صلی اللہ علیہ وسلم کے اہل بیت میں سے کسی نے کی۔ چنانچہ خلافت صدیق رضی اللہ عنہ میں سیدہ فاطمۃ الزہراء رضی اللہ عنہا کا انتقال ہوا۔ تو یہ فعل نہ خلیفہ المسلمین حضرت ابوبکر صدیق رضی اللہ عنہ نے کیا اور نہ خود حضرت علی المرتضیٰ رضی اللہ عنہ نے کیا۔ اگر شرعی کام ہوتا یا اس سے ثواب پہنچنے کی امید ہوتی تو وہ اس کے سب سے زیادہ حقدار تھے، کیونکہ حضرت علی رضی اللہ عنہ آپ کے شوہر تھے۔ اور نبی اکرم صلی اللہ علیہ وسلم کے قریبی بھی تھے۔ اس طرح ان کے زمانہ میں کئی نیک لوگوں کی وفات ہوئی۔ مگر کسی کے لئے اس طرح ایصال ثواب نہیں کیا گیا۔ بلکہ یہ عمل نہ تابعین میں مروج نہ اتباع تابعین میں حتی کہ ’’القرون المشہوولہا بالخیر‘‘ میں سے کسی سے منقول نہیں ہے۔ فوت شدہ شخص نے اپنی زندگی میں ' ثواب جاریہ ' کے لۓ جو کچھ کیا ہے ، وہی اس کے کام آۓ گا۔ انشاء اللہ