#kamranmyunis #kamranyunis #esmiramehiqızı #poeziyateatrı
#şeirlər #şiirler #sevgişeirləri #poeziya #vətənşeirləri
Esmira Mehiqızı - Film bitdi, hamı getdi
Bəstəkar - Vasif Adıgözəlov - Şərikli Çörək
film bitdi, hamı getdi, ocaq yeri dağıldı.
bir də baxdım...gördüklərim, sevdiklərim nağıldı.
o yox,
bu yox,
quşlar uçub, budaqlar da quruyub.
tək qalmışam bu sonrada çilələri çəkməyə.
ömür də yük, yaşam da yük, mən də yüklərdən böyük,
elə yükəm, elə yükəm... yüklənmişəm şələləri çəkməyə.
kimə desəm gördüyümü necə gözəl görmüşəm,
həyatımda nənəm kimi,
babam kimi neçə gözəl görmüşəm.
kimə desəm gözəlləri sonra xəzəl görmüşəm-
durub, durub dəli kimi gözəllərə ağlayar,
sonra belə yarpaq-yarpaq havalara sovrulan
o gözəlim xəzəllərə ağlayar.
kimə desəm təpələrdə bir qız qoyub gəlmişəm,
desəm əgər oralarda bir yaz qoyub gəlmişəm,
hələ gülü bənöyşədən bir söz qoyub gəlmişəm...
deyər, hayıf o günlərə...
deyər, qayıt o günlərə.
mən də belə sevincək başıaçıq, ayaqyalın qaçaram,
uçaram, eyyyyyy uçaram.
sonra qəfil duruxaram, görərəm ki, qayıtmağa yer hanı.
çığıraram, bağıraram,
-axı mənim üz tutduğum o çöl hanı, göy hanı.
baxaram ki, film bitib, hamı gedib, ocaq yeri dağılıb.
bir balaca qız da gəlib xatirəmin köşəsində əllərini qızdırır.
mən də elə zənnlə qıza baxaram,
baxaram ki, görüm bu qız mənim qoyub gəldiyim
o dəlixay qızdımı,,,
qəfil sanki ayılaram,
görərəm ki, qız da yox,
əllərimə o köşədən iki damla yaş düşər.
ahhh,,,
nə gözəl film idi, deyərəm,
o filmdən sonra da..
yaşamağa başqa film-
ömür adlı qış düşər.
6 сен 2024
