Dimanch, an Fon Féran
Sété la dévenn pou lé bouko
Ah mézanmi sa té tris
Pou-w té vwè Cholo kouché atè-la
Rémon ka woulé an pay a kann-la
San ka koulé kon dlo an Fon Féran
Dimanch jou dè rèpo
Sété la dévenn pou lé bouko
Ah mézanmi sa té tris
Pou-w té vwè Cholo kouché atè-la
Rémon ka woulé an pay a kann-la
San ka koulé kon dlo an Fon Féran
An ka mandé lé répondè
Pou lé répondè lévé la vwa
Asistan pa fè dézòd
Prété lorèy pou zò tann sa
Annou ban mwen an banjogita
Moniman Virji-la(**) ki méné nou
Dimanch jou dè rèpo
sété la dévenn pou lé bouko
Kan lé vwasinaj té tann kou la
Yo konprann sété chasè
An gran moman vini koulé
Apré yo ka tann anmwé soukou
Yo désann an Fon Féran
Kan vwè yo rivé anba fon-la
Yo touvé Cholo kouché atè-la
Cholo pa té ko mò
Cholo di lé vwasinaj
Si zò pé, sové mwen
Tiré dé bòt-la an pié an mwen
Mété li ban mwen anba tèt an mwen
Ban ti bwen dlo pou mwen pé bwè
Tout kò an mwen jaka goudi
Mwen désann an Fon Féran
Sé kann an mwen an té vin koupé
Kan vwè mwen fini koupé kann-la
An té ka lavé dé men an mwen
An pa fè Chanbè ayen
Pa té ni afè épi Chanbè
Chanbè té kaché anba bwa-la
Fouté mwen an kout fisi, pétèt an ké mò
Dimanch jou dè rèpo
sété la dévenn pou lé bouko
An tann téléfòn té ka soné
An vwè lanbilans té ka désann
Jandàm Sentàn o galo
Jandàm Gosié an lari-la
Anmwé, anmwé soukou
Kòdoléans pou lé bouko
Moun poko désèspéré
Tou moun Bouliki yo ka kouri
Moun Granfon yo ka désann
Prèmié fwa yo vwè biten kon sa
An sèl wélélé an plato Barok
San ka koulé kon dlo an Fon Féran
Dimanch jou dè rèpo
sété la dévenn pou lé bouko
Avan Cholo té désédé
Cholo di lé vwasinaj
Pandan lé vakans-la
Chanbè té ni an bèf pou-y té chouyé
An chouyé bèf-la ba Chanbè
An vann viann-la ba li
Oktòb té ka rivé
Pou-y té voyé ti moun ay lékòl
An konprann i té zanmi an mwen
An paté safè i ka véyé mwen
Awmen Chanbè, ou sé on trèt
Fouté mwen an kout fisi ou tchouyé mwen
Dimanch jou dè rèpo
sété la dévenn pou lé bouko
Awmen Chanbè, ou sé an kriminèl
Gason a Chanbè, ou sé on misérab
Si vwè-w té on pèw dè bòn famiy
Ou tini prémiè gason a vou
Ou téké mété-y sizé
Pou vou té wòché(**) édikasyon
Olié-w té lévé dimanch maten
Sé pou zò té détwi tout fanmi-la
Dimanch jou dè rèpo
sété la dévenn pou lé bouko
Si vwè zò konprann an ka manti
Senten Péran sé moun Sentàn
Dorlen(**) ké sévi mwen témwen
France-Antilles ké sèvi mwen témwen
An sèl wélélé an plato Barok
San ka koulé kon dlo an Fon Féran
Dimanch jou dè rèpo
sété la dévenn pou lé bouko
#goumébay
#electroweel
#gwoka #electroweel #goumébay
31 мар 2023
