Hafoin tinan barak nia laran la asesu ba eletrisidade, finalmente, komunidade Gildapil bele sente kontente tanba moris iha naroman nia laran ona.
Aldeia Atus & Sasa, nu'udar Aldeia rua husi aldeia sira seluk ne'ebé moris iha tinan barak nia laran (desde tempu okupasaun) la asesu ba liña eletrisidade. Bainhira CPA hatene kona-ba preokupsaun ida ne'e, iha tinan 2021 liubá CPA liuhusi nia ekipa produsaun sira diretamente ba haree no rona preokupasaun hirak ne'e hodi hato'o mai parte responsável nível nasionál hodi hatan.
Hafoin iha tinan liu tiha tinan 3 (iha tinan 2024), CPA hetan informasaun husi komunidade sira ne'ebá katak, ahi tama ona sira nia Aldeia. Rona tiha ida ne'e, CPA diretamente ba vizita fila-fali komunidade sira hodi haree no rona rasik mudansa saída mak komunidade sira hasouru iha sira-nia moris lor-loron, hodi fó sai fila-fali ba públiku hodi akompaña.
Asiste dokumentáriu 30 minutus, programa Dalan Ba Futuru "lian ba lian-laek sira" husi CPA kada kinta-feira, LIVE husi kanál RU-vid ida ne'e, óras tuku 18:00, ka asiste liuhusi RTTL-Ep, óras 18:30.
----
Produsaun follow-up 2024, Esperansa ba Naroman Eletrisidade husi komunidade Suku Gildapil, suku Gildapil, munisípiu Bobonaro.
CPA "lian ba lian-laek sira"
5 июн 2024