SYNOPSIS :
Joven nain 4 ne’ebe kolega di’ak. Sira gosta ransu no halo viajen….. Joven nain 4 ne’e mak ho naran Eker, Joy, Kevin no Valdo.
Iha fim de semana sira nain 4 deside atu sai husi sidade hodi ba pasa tempu ho natureza liu husi atividade camping iha ai-laran. Sira nain 4 kontenti tebes ho paizajen natureza nian ne’ebe dook husi barullu, anin fresku ne’ebe la iha poluisaun no mos iha mota oan ne’ebe furak.
Iha parte seluk mosu pergunta ida husi kevin ne’ebe konversa hela ho Eker katak “Agora ita la’o de’it hanesan ne’e, ita-nia Futuru atu sai oinsa, bele atinji mehi ka lae”. Pergunta ne’ebe simples maibe sadik sira! Husi ne’e hafanun los sira no halo sira konsiente katak labele lakon tempu ba atividade sira ne’ebe mak la fo benefísiu ba sira no hamenus sira nia ransu bainhira fila ba sidade.
Esperiensia úniku ne’ebe sira hetan iha camping halo sira firme no foti desizaun klaru atu iha mudansa ba sira-nia moris. Moris nakonu ho responsabilidade no tuir idak-idak nia versaun rasik.
Valdo ne’ebe sai hanesan Barista, Kevin hanesan Desingner, Joy nu’udar Photographer no Eker dedika nia an ba Lider Lokal sai hanesan Eleitu Xefi Suco.
Tamba ne’e foinsa’e husi grupu cineasta Dinamika Production deside atu produz filmajen ida ne’ebe atu fo valor ba papel juventude nian, hanesan :
• Valoriza juventude Timorense nia abilidade sira
• Atu hatudu prova ida katak laos juventude hotu-hotu mak hakarak destroi maibe se eziste joven barak ne’ebe hakarak dezenvolve ba nasaun ida ne’e
• Joven tenki fo liman ba malu atu kontribui ba mudansa iha Rai laran
• Joven hanesan Prezenti furak nasaun nian
• Joven mak sai hanesan Esperansa Foun ida atu servi ba nia nasaun
10 янв 2024
