Ruantlang khua a Pu Lainisanga(L) fate hi panga an ni a, a enkawltu ber an pa a boral tak avangin enkawltu tur mumal an nei tawhlo a ni.
Febuary ni 14,2024 khan an khua a kalin YMA, VC, MHIP leh NGO dangte nen an khua ah an unau pualin meeting kan nei a. Tichuan Zo Inspiration Foundation hmalakna in Aizawl lamah zirna mumal zawk an neih theih nan enkawl chhunzawm nise kan ti a ni.
Tichuan April ni 8,2024 khan Aizawl ah lirthei pahnih in kan va hruai a, vanduaithlak takin an unau hian lirthei an rui vek a, kan tlan chak hlei thei lo a ni. Mahse, Pathian zarah tluang takin zan dar 7:30pm khan Aizawl kan thleng thei hram a ni.
Kan Office ah zan kan riah pui a, a tuk April ni 9,2024 khan Divine Intervention School, Zonuam Hostel ah an unau in kan dah lut nghal vek a ni. Thlatin kan zu tlawh ṭhin dawn a, an Hostel Fees pawh thlatin pek ṭhin an ni ang.
Tun dinhmun kan thlen pui theihna tura thilpek lo petu te leh lo ṭawngṭaipui ṭhintu te chungah kan lawm takzet a ni. Lalpan malsawm mawlh che u rawh se.
_____________________________
Background Music - Joseph Zaihmingthanga - Ka ril a rah
23 апр 2024
