FAM RO LUNGMUAL KC Zoherliana Kum 2020 kha Covid hran vanglai ani. 2020 kum lai hawl kha chu kan khawvel kha anuam hlawl lo ani ber. Mahniinah kan tapin kan inkhung bet ngawtngawt mai anih kha. Chutachhapah Covid han vei leh phei kha chuan khawvel hi anuam fahran lo, covid vanga mi an thi fo mai bawk nen. Khanghunlai tak kha ka lo chhinchhiah ta lo a, zankhat chu ka lungleng em em maia. Poetry ka ziaka FB ah ka post nghe nghe a, comment pakhat chuan a thu hi siamrem la hla sak theih turin duang la a nalhin ka ring ani a rawn ti a. Tichuan a thu ka siam danglama ka phuah danglam leh ta hret hreta. Tichuan kan thianpa PL Engmawia hi nang athluk hi lo siaam ta che ka tia a nin a thluk mawi takin a lo siama. Chutih hunlai chuan changkhat leh a thunawn chiah a la ni a. Awmhar lunglen changin ka dawn kira, Vanglai nun herliam hnu lenrual hluite. Mitthlain a chhui zui thin Nunhlui zawngte, Lungduh ten fam rihsang an lo kai a. A thenten khiangawi an awi zo ta, Tunah rial ang a lo dai zo ta e Aw Hringnun par vullai chuaiin, Kan vuiliam ang famro lung mualah; Min Nghilh loh nan mittui nen, parmawi An rawn chhiah ve ngei ang Khimi chin zawng khi ka han puah pum phawta, a hnu kumkhat hnu dawnah a ni ang a chang hnihna ka puah pum leha, Thartei Chhangte hian a sa ta. La kim lo deuha ka hriat avangin changthumna hi ka phuah belh leh ta ani. He hla hi Ka nu leh pa khawhar lusunna a vanga ka phuah chhuah ani ber awm e. Ka pa kha 2017 dec ni 14 ah min boralsan thut maia. Ka rinphak bakin ka lo tuara, chutah kum khat hmel a hmu awrh tihah ka nu chu nat lawk awm miah loin 2019 January thlaah mual a liam leh ta thut maia. Nu leh pa a kum zawna han sun meuh chu a hrehawmin ka khua a har thei em em maia. Rilru leh taksa pawhin a tuar hle ani. He hlaah hian lenrual hlui ngaihna leh kan lungduhte ngaihna lamte a kawk deuh bera, ka nu leh pa puala phuah chu ni tho mah ila, mi zawng zawngin an lo in ngaih bel theih tur anga phuah kha ka tum ber ani. Kan vangkhawpui tual nuam ka fang vela, Tunah rial ang dai e. Kan tuanna mual, Lenrualte nen lung ruala kan thlir thin Siar leh, Chhawrhthlapui eng mawi zawngte pawh, A mawina leh hlutna a chuai zo ta. Kir rel lo ten an herliam zo ta e. Chang 2na hi kan khua kan Inpui ka haw tuma ka awmdan ka phuah chhuah ani a. Kan inpuia ka haw apianga Ka nu leh pa kawtkaia min lo hmuak thinte kha an lo awm tawh loa. Kan inpui lah a lo reh thiap tawh mai bawk si. Lung a leng em em mai ani. Ka Thian kawm thinte lah boralte an lo awm nual tawh bawk si. Kan inkawm ho laite kan nunhluite ka han ngaihtuah let hian lunglenna hlir mai ani. Kumsul liamin tuanna mual te a dang zota, Thamral lo mitthlaan An cham reng e. Chinlai lenrual zawngte kimna Vankhawpuian. Tahchuan lenrual kan kim leh ang Kan Vanglai kan nunhlui dairial changin. Tawnmang changin mual an liam zo ta e Kum a lo veia, kan awmna hmunte alo hranga mahse kan thiante leh chhungte mithhlaah an lo cham reng fova. Chhungkhat laina leh thiantha tak takte lo boral tahte nen kan intawhlehna tur Van khawpui-ah kan la intawng leh ngei dawn si a. He hla poetry ka ziah lai hian rilru na leh hnukulh em em a ka ziah ani a. ka Nu leh pa puala ka ziah ve liau liau anih avangin ka ngai hlu ve a. Mipakhat emaw talin khawhar hnem nan emaw an lo hmang ve thei anih chuan ka lawm hle ang. Thihna hian min then mahse Hruaikhawm kan la ni leh dawn si a.
Aw ilo va ril ve 😢😢😢😢 A tir leh atawp khian k lung an ti leng em mai,rundai an chang ta si ka hrilhhai ngei e,Api lehPute min dawngsawngtu anawm tawh sio😢😢😢
Chhun pa chanlaia ,ramreh taka han ngaihthlak vang vang chu(h) min dehdan a dang zar mai mittui a ko chhuak alawm maw..😢.Ava'n ngaihnawm vawng vawng emm.😢
