Əssəlamu əleykum. Sizə bir sualla müraciət etmək istəyirəm. Sizi Rusiyadan izləyirəm. Mənim 47 yaşım var. 4 ildir namaz qılıram. Kecmişdə qılmadığın namazların qəzasını qılmalıyam? Zəhmət olmasa sualıma cavab verərdiz
Va aleykum salam. Namaza başladığınız gündən əvvəl qılmadığınız namazlar bağışlanır. Namaza başlayandan sonra, unudaraq və ya digər üzürlü səbəbdən qılmadığınız namazların qəzasını qılmaq lazımdır. Fayda üçün qeyd edək ki, İslam beş əsas üzərində qurulmuşdur. Birinci əsas şəhadət hesab olunur. Şəhadəti qəbul etməklə insan İslama daxil olur. Bundan sonra onun üzərinə gündə beş vaxt namaz qılmaq vacib olur. Şəhadəti qəbul edib namaza başlamaqla insanın İslamı kamilləşir. Ona görə də təkcə şəhadəti qəbul etmək kamil müsəlman olmaq üçün kifayət etmir. Namaza başladıqda siz İslamı həyata keçirmiş olursunuz, bununla da sizin bütün keçmiş günahlarınız və ibadət etməməyiniz bağışlanır. Ona görə də keçmiş illərin qəzalarını qılmağa gərək yoxdur. Peyğəmbərimiz (salallahu aleyhi və səlləm) səhabələr İslamı yeni qəbul etdikdə onlara keçmiş illərin qəza namazlarını qılmağı buyurmamışdı. O, İslamı qəbul etmək istəyən səhabəsinə demişdir: "Məgər sən bilmirsən ki, İslam keçmişi silir?!"
Allah sizdən razı olsun. Mən təxmini hesablamışdım, hər gün bir günün qəzasını qılsam ömür vəfa etsə 75 yaşıma qədər qəza qalmalıyam. 8550 gün. 2 aydır başlamışdım. Fərzlər, sünnələr, nafilələr, qəzalar gündəlik 60 rükətə qədər namaz qılırdım, amma yorulurdum. Sizə cox təşəkkür edirəm, Allah bütün müsəlmanları bağışlasın Amin
