#وردة_الجزائرية#في_يوم_وليلة
من أجمل الحفلات
كلمات الشاعر الغنائي حسين السيد
ألحان موسيقار الأجيال محمد عبد الوهاب
الفرقة الماسية بقيادة الموسيقار أحمد فؤاد حسن
غناء : مطربة الأجيـال وردة
عزف الفرقة الماسية
******
في يوم وليله خدنا حلاوت الحب كله في يوم وليله
انا وحبيبي دوبنا عمر الحب كله في يوم وليله
عمري ما شفته ولا قابلته وياما ياما شاغلني طيفه
وفي يوم لقيته هو اللي كنت بتمنى اشوفه
نسيت الدنيا وجريت عليه سبقني هو وفتح ايديه
لقينا روحنا على بحر شوق .. نزلنا نشرب ودوبنا فيه
ومين يصدق يجري ده كله ونعيش سوا العمر كله
في يوم وليله ..
ياللي كان طيفك على بالي وانا بتمناه
مش حتصدق ايه كان حالي قبل ما القاه
كنت بحسد كل فرحه اشوفها بين قلبين
كنت اغير من اي نسمة حلوه بين حبيبين
ولما صحيت على حبك .. وشفت الدنيا من عندك
اتمنى لو كل العشاق يحبوا زي انا ما بحبك
يا حبيبي كنت واحشني .. من غير ماشوفك وتشوفني
والقدر الحلو اهو جابني وجابك علشان تقابلني
اتارينا كنا تايهين ولقينا اجمل ايام ليالينا واحنا فيها لوحدينا
ومين يصدق يجري ده كله ونعيش سوا العمر كله
في يوم وليله ..
قالوا لي اهل الهوى ياما في قلوب مجاريح
وبحبك انت .. انا حشفي كل جريح
بيسالوني لو غبت عني أو رحت مني اعمل ايه
احب تاني .. مش ممكن اقدر
تعرف ياروحي .. ما اقدرش ليه
هو اللي زيك لو كان في زيك
في الدنيا حد يحب عليه ..
دي كل حاجه اتغيرت .. قدام عينيه
وكل شيء في الدنيا حلو ..باقول دا ليٌا
واي حاجه المسها تحلو في ايديه
وده من نهار حبك ما جه وسلم عليه
يا حبيبي كنت واحشني .. من غير ماشوفك وتشوفني
والقدر الحلو اهو جابني وجابك علشان تقابلني
اتارينا كنا تايهين ولقينا اجمل ايام ليالينا واحنا فيها لوحدينا
ومين يصدق يجري ده كله ونعيش سوا العمر كله
في يوم وليله ..
حبيب امالي ياغالي عمري كله ليك
وكل عمر يا عمري مش خساره فيك ..
بقول بحبك وحبك كان ميعاده بعيد
وفي يوم وليله ليله جميله هلت المواعيد ..
قابلت شوقك بشوقي .. بعد طول حرمان
وفي يوم وليله جميله ضحكتلي يا زمان
لو قالولي اليوم وليله دول حياتي .. يا حياتي
اقول كفايه
دي الحياة بالحب حتى لو ثواني .. عمر ثاني
مالوش نهايه ..
يا اللي حبيتوا قبلنا .. ياللي حتحبوا بعدنا ..
يا رب يتمم فرحكم .. وتحبوا بعض زينا ..
يا حبيبي كنت واحشني .. من غير ماشوفك وتشوفني
والقدر الحلو اهو جابني وجابك علشان تقابلني
اتارينا كنا تايهين ولقينا اجمل ايام ليالينا واحنا فيها لوحدينا
ومين يصدق يجري ده كله ونعيش سوا العمر كله
في يوم وليله ..
---------
21 авг 2024