Şəhidlər haqqında yazılmış şeir
16 Noyabr hadisələrindən təsirlənib yazdığım şeir.
Allah bütün şəhidlərimizə rəhmət etsin!
Qarşıla məni ana
Qayıdıram yanına
Söz vermişdim sənə mən
Demişdim qayıdacam
Qayıtdım.
Bürünüb üçrəngli bayrağa
Məni bağışla ana
Bağışla ana torpağa
Ağlama,sızlama mən ki səni görürəm
Mən səni eşidirəm
Söz verirəm
Bu gün yat gözlərini yum uyu
Yuxuna da gələcəm
Bu da bir ömür anam
Neyləyək qismət budu
Sən məndən narahatsan
Mən səndən nigaranam
Bəlkə elə bu güllə
Həyatıma qoyulan son nidadı
Şəhidlik bu dünyaya ən gözəl əlvidadı
Başını dik tut ana
Özünü ovut ana
Teki vətən sağ olsun
Bir can borcluyuq ona
Gedəndə mən demişdim
Qayıdanda sən denən
Vətən sağ olsun ana
Başın sağ olsun vətən
#FirdovsiResul #Sehidler
3 окт 2024
