Leon van Nierop het op Saterdag 22 Junie oor die nuwe BAD BOYS: RIDE OR DIE gesels. Die humor is baie donker, want om telkens grappe te maak as ‘n rewolwer afgetrek word, is nie eintlik snaaks nie. Maar die Bad Boys se woorde is eintlik die koeëls. En hulle manewales is die rede hoekom dit so gewild is. Gaan terug teaters toe en geniet BAD BOYS: RIDE OR DIE dáár. Jy sal jou slap lag.
Hy het ook gesels oor THE FLASH. Volgens hom is dit nie 'n watwonderse film nie. Ezra Miller is te lig in die broek vir hierdie fliek. Hy pas nie in die rol nie en irriteer meer as wat hy fassineer. Die spesiale effekte is ook maar eina, terwyl iemand soos Spiderman dieselfde storie baie beter vertel het. The Flash se lont brand lank voor die einde uit. Moenie jou tyd mors nie. Op Showmax.
2 июл 2024
