အိန္ဒိယနိုင်ငံ မြောက်ပိုင်း မနားလီမြို့လေးဟာ ရေခဲတောင် ပတ်လည်ဝန်းရံနေတဲ့ မြို့လေးပါ။ ဒီမြို့လေးမှာ နိုင်ငံခြားသား ခရီးသွားများစွာဟာ စိတ်အေးချမ်းသာစွာ လာရောက်အပန်းဖြေအနားယူကြသလို၊ နိုင်ငံသားတွေရော၊ ရေခဲမြင်တွေ့ခဲတဲ့ အရှေ့တောင်အာရှနိုင်ငံသားတွေရော သဘောကျနှစ်ခြိုက်ကြတဲ့နေရာတစ်ခုဖြစ်ပါတယ်၊ ဒီ မနားလီမြို့လေး ကို Eastern Shining Star Travels & Tours ရဲ့ အစီအစဉ်နဲ့ ကျွန်တော်တို့ အလည်ရောက်တုန်းမှာ ထူးခြားတဲ့ လေပေါ်စားသောက်ဆိုင် မှာ စားသောက်ခဲ့တဲ့အကြောင်းကို တင်ဆက်ချင်ပါတယ်။ ထူးခြားတဲ့ ဒီလေပေါ်က စားသောက်ဆိုင်ကို မနားလီမြို့ရောက်ရင် မဖြစ်မနေ ဝင်ရောက်စားသုံးရင်း ခံစားစေချင်မိပါတယ်။
ဈေးနှုန်းကတော့ တစ်ဦးကို ဒေါ်လ ၃၀ ကျသင့်ပြီး အချိန်အားဖြင့် ၄၅ မိနစ် ကနေ ၁ နာရီနီးပါး လေပေါ်မှာ စားသောက်ပျော်ရွှင်ကြရမှာပါ။ ဒီဈေးနှုန်းထဲမှာ အစားအသောက်အတွက်လည်း ပါဝင်ပြီး ဖြစ်ပါတယ်။ ဖျော်ရည်တစ်မျိုး၊ အစားအစာ ၃ မျိုး ပါဝင်မှာဖြစ်ပါတယ်။
.
အားလုံးပဲ အစဉ်ဘေးကင်းကျန်းမာ စိတ်ချမ်းမြေ့ကြပါစေ....
သီဟလုလင် (Thiha, the Traveller)
15 окт 2024