ՆԱՍԼԵԹ ՔԵՅԱՆԸ ԱԽԱԼՔԱԼԱՔԻ ՏԱՐԲԵՐ ԳՅՈՒՂԵՐՈՒՄ ԱԶԳԱԳՐԱԿԱՆ ՊԱՐԻ ԴԱՍԵՐ Է ՏԱԼԻՍ
Ախալքալաքի շրջանի Վաչիան, Բարալեթ, Սամսար, Կարծախ գյուղերում, Ջավախքի ընդհանուր առաջնորդական փոխանորդությունում, Ասպինձայի շրջանի Դամալա գյուղում երիտասարդները պարում են հայկական ազգագրական պարեր՝ պարուսույցը մեկն է՝ Նասլեթ Քեյանը։
2008 թվականին, երբ Նասլեթը 20 տարեկան էր, ընդունվում է Վաչիան գյուղի դպրոց աշխատանքի, որպես պարուսույց։ Կարճ ժամանակ անց կրճատումների հետևանքով ավարտվում է նրա աշխատանքը դպրոցում, սակայն հայրենի գյուղում հիմնած պարի խումբը իր գործունեությունն է շարունակում գյուղի մշակույթի տանը։ Իր անցած ուղու և դժվարությունների մասին խոսելիս պարուսույցն ասում է, որ միշտ ուզեցել գյուղում այնպիսի խումբ ստեղծել, որը ներկայանալի լինի, ոչ միայն տարածաշրջանում, իսկ դժվարություններ միշտ էլ լինում են, սակայն գտնվում են նաև լավ մարդիկ որ աջակցում և օգնում են նեղ օրերն հաղթահարել։ «Կհրաժարվեմ պարել միայն մի դեպքում, երբ իմ պարը բիզնես դառնա»,- ասում է Նասլեթ Քեյանը։
21 апр 2018
