Lura Hauzel ZMC AH NEUROLOGIST HMUH A HAR Kan nu hi nikum January thla khan a semi stroke avangin kan buaiin Doctor chi hrang hrang pawh kan pan ve nual tawh a. A pangkhing dinglam hian ngai a awh thei lova, Mizoramah Neuro Doctor kan han neih ve takah chuan kan Doctor rawn thinte chuan hmu ngei turin min ti hlawm a. Chanchin kan han ngaichang a, Neuro Doctor hmuh a harsat zia te, tlaivar a intlar a ngaih thin thu leh, achang phei chuan insual phah hial an awm thin thu te kan hria a, keini Lunglei a awm daih tan chuan a huphurhawm duh ngei mai. Mahse mamawhna in min han nan takah chuan engtin tin emaw thiante zarah tlaivar a intlar thin hlawhfa phone number kan nei thei ta hlauh mai a. Kan han be pawp a min lo tihsak theih tur thu kan han hriat chuan kan lawm ngei mai. Kan inbiakna ang chuan ani zanah tlaivarin alo intlar ang a, keinin zing dar 8 ah kan thlak ang, cheng 700 a hlawh ang. A tuk zingah chuan dar 7 velah kan va thleng phei a, intlar kan han zawng a, kan hmu ta hauh lo mai a mahse amah kan han phone chuan an chawlh lawk thu leh engkim a tihfel vek tawh thu te sawiin dar 8 ah lehkha a thehlut ang a a fel a nih tawh thu a sawi a A sawi ang chuan dar 8 a lo ri a, hmingziahna bulhnaih ah chuan thawktu hmeichhe pakhat hian chung intlarho (?) hming chu rawn lakhawm in an lehkha te thehluh sak turin a rawn lakhawm ta vek a, a fel ta! Doctor hmuh a ni tawh mai. Doctor kan nghah lai chuan kan bula mite chu kan han zawt kual a, keimahni ang tho a hlawhfa la a intlar an lo ni vek a. A thenin 1000 an chawi a, mi 2/1 chuan 500 an chawi a ni awm e. A then chu vawi engemawzat lo beidawng tawh an ni a, zing dar 5 a an kal pawh a an chan theih loh thu leh hlawhfa an lak hnu a an chan ve tak thu an sawi hlawm. Mizoramin kan mamawh em em neurologist kan nei a kan lawm tehlul nen heti tak maia inentir tur hmuh a har mai leh hlawhfa hial lak a ngai hi mak ka ti viau a, kar 1 ah ZMC ah hian vawi thum chiah a țhu a, nikhatah mi 30 chiah a en bawk si a, keini ang mirethei tan chuan ZMC ah hian khael chi hrang hrang hmanga test man te alo tlawm avangin ZMC chan ngei ngei hi a hlu em em mai si a. Chutih laia amah hmuh a har em em mai hi pawi ka ti ngawt mai. Ka nupui chu CT Scan tih ngai a nih avangin a kar leha kal leh ngai kan ni a. Remchang takin CT Scan kan tih ni tuk (next day) chiah hi Doctor thut ni a ni leh hlauh mai a, chuvangin Khualbuk an thleng mai se, hlawhfa la tawh lovin amah intlar ve se tiin thutlukna kan siam ta a. Chutiang tura kan inruahman a, intlar dan tur chinchang te kan han zawh fiah chuan thilmak tam tak kan hrechhuak ta a, ka tarlang lo thei lo a ni. Kan nu hnenah chuan intlar a hautak zia te, dar chuti zatah hming lam tur a ni a, ilo kal thei dawn a mi ilo kal theih loh chuan i hming paih a ni nghal dawn a nia tih te an hrilh a, an vau a ni zawk mah (hlawhfa la lo theilo turin) tichuan hlawhfa chu a la leh ta nge nge a. Hlawhfa te intlar(?) dan chu: 1) Inentir turni hma, chawhnu lam atangin ZMC Gate bula țhu hawker nghaktu hmeichhe pakhat hnenah hming an ziak (heta seniority hi a pawimawh) 2. Tlai dar 5 ah hming an lam a, hetah hian awm ngei ngei a ngai, a awm loh chuan hming paih nghal. 3. Zan dar 12 ah hming an lam leh. 4. Zing dar 5 ah hming an lam leh. 5. Zing dar 8 ah hming lam lehin an lehkha neihsa an thehlut. Heng step te zawm ve thlap, hlawhfa la lo a mahni intlar (hming lam huna present) te erawhin card hi an nei sa ve lo a, card la turin an intlar țha leh) Ka zawhnate : 1.Main gate bula hawker nghaktu hnena hming ziah hi ZMC Administrator te hian an hriatpui em? Kan doctor specialist râwn tur a Hawker a hming ziaka bul han țan daih hi mak ka ti riau a ni. 2. Outdoor a inentir tur chuan kan inentir ni-ah Out-patient card kan la thin a. ZMC ah pawh hian zing dar 9 hmain card pek chhuah a ni ngai lo. Chuti chung chuan heng inhlawhfa a intlar te hi chuan a hma niin lehkha min lo neih fel sak vek thei tlat (a chhungah thurualpui an nei em ni) 3. Inentir tur ten zing dar 9 a card an lak chhuah theih chauh laiin ka sawi tawh ang khian zing dar 8 ah hian neuro a inentir turte chuan thawktu pakhat hnenah (neurologist consultation room a duty a ni maithei) hnenah card an thehlut fel vek tawh. Dar 9 a card la chhuak chawp tur tan chuan chan ngaihna a awm lo reng reng. Doctor hi hmuh a har tak tak em? : Amah a doctor ber hi mi fair em em a nih avangin damdawi ina thawktute tan pawh fair lo taka hming lo ziak lawk kha a phal miah lo an ti a. Heti khawpa amah hmuh a harsat chhan hi sawlai vela inhlawhfa duh te leh a chhung lama thawktu mi tlemte te harsatna siam chawp mai mai niin a lang tlat a ni. Neuro pan duhte hi midang ang bawkin lehkha lak chhuah dawnah intlar ila, ni khatah 30 chauh a en chuan chumi chinah chuan thawktu ten an lo rek bung mai ang a, a fel thei mai lo em ni? Hei hi a tak2 ani em whatsapp ah a darh chiam maia.
