#ပုတ်ႉထၸဝ်ႈလႄႈ #ဝၼ်းလိူၼ်ၸဵတ်းမူၼ်း
🌕မိူဝ်ႈၼႆႉ ပဵၼ်ဝၼ်းလိူၼ်ၸဵတ်းမူၼ်း ၊ ဢမ်ႇၼၼ်ႁွင်ႉဝႃႈ ဝၼ်းမႁႃႇသမယ သုတ်ႈ ၼႆၵေႃႈႁွင်ႉ၊ ပဵၼ်ဝၼ်းယႂ်ႇဝၼ်းလူင် ဝၼ်းဢၼ်ရႁၢၼ်းတႃႇႁႃႈပၢၵ်ႇ ၸဝ်ႈ လႄႈၽီ သၢင် ၊ ဢသူႇရႃႇ၊ ၼၵႃး ၼႂ်းၸၵျဝလႃႇမိုၼ်ႇတိူၵ်ႈမႃးၸုလုမ်း တုမ်ၵၼ် ၼႆယဝ်ႉ။ ၵွပ်ႈပိူဝ်ၼၼ်လႄႈ ဝၼ်းမိူဝ်ႈၼႆႉ ပဵၼ်ဝၼ်းၶိုၵ်ႉတွၼ်း တွၼ်ႈတႃႇၸၢဝ်းပုတ်ႉႁဝ်းဝၼ်းၼိုင်ႈလႄႈ လီဢွၼ်ၵၼ်ႁူႉႁၼ်ထိုင်ၸွမ်း လွင်ႈ ဝၼ်းၼႆႉယူႇ။
🌾 ၵမ်းၼၼ်ႉၽြႃးပဵၼ်ၸဝ်ႈႁဝ်း ၸင်ႇလွမ်တူၺ်း “ပေႃးၵႂႃႇၵဵဝ်ႇၶႄ ၸွင်ႇ ၽေးသွင်မိူင်းတိုၵ်းၵၼ်တေယဵၼ်” ၼႆယဝ်ႉ လႆႈႁၼ်ၼႂ်းၺၢၼ်ႇၸဝ်ႈမႃးဝႃႈ သွင်မိူင်း တေငမ်းယဵၼ်ၵၼ်ယဝ်ႉ ဢဝ်ၸဝ်ႈၸၢႆးၶဝ် ၶဝ်ႈၼႂ်းသႃႇသၼႃႇ၊ ဢိင် တီႈၼၼ်ႉသေ တေပဵၼ်မီးမႃး ဝၼ်းမႁႃႇသမယ ၵူၼ်းၽီသၢင် တၵ်းမီးၽွၼ်း လီယႂ်ႇလူင်ၼႆလႄႈ ၵႅၼ်ႇၸဝ်ႈၸင်ႇၵျွႃႉမိူဝ်းယူႇ ၼႂ်းၵႄႈ ပၢင်တိုၵ်းသွင်မိူင်း ၼၼ်ႉယူႇယဝ်ႉ။ ၽြႃးပဵၼ်ၸဝ်ႈႁဝ်းမိူဝ်းႁေႃးပၼ်ထမ်း ၽွၼ်းလွင်ႈၽွမ်ႉသဵင် ပဵင်းပၢၵ်ႇၵၼ်ၵႂႃႇ မိူၼ်ၼင်ႇ-
1) လွင်ႈမီလႄႈ ၽီရုၵ်ႉၶၸူဝ်း ဝႆႉၶဵၼ်ၸူးၵၼ်လႄႈ လႆႈလူႉလႅဝ်တင်းသွင် ၽၢႆႇ (ၸၢတ်ႈ ၽၼ်ႇၻၼ)။
2) ၵွပ်ႈပိူဝ်ႈယုမ်ႇမႅၼ်ႈၵႂၢမ်း ပၢင်တၢႆးတူဝ်ၼိုင် ႁွင်ႉပၢဝ်ႇဝႃႈ “လိၼ်ၵူၼ်ႇပင်း ယဝ်ႉ”ၼႆသေ တူဝ်သတ်းတင်းလၢႆ လႆႈထူပ်းတၢင်းတုၵ်ႉ။ (ၸၢတ်ႈ ပထဝီၺၼ်တြိယ)။
3) လွင်ႈ ၼူၵ်ႉမၢၵ်ႁႅင်ႈမၢၵ်ႇၶိူဝ်ဢွၼ်ႇ ဢဝ်ပႄႉပုၼ်ႈၸၢင်ႉလူင်လႆႈလႄႈ လွင်ႈ ယႃႇႁႂ်ႈထၢင်ႇလဵၵ်ႉၽူႈၶဵၼ်။ (ၸၢတ်ႈလၻုၵိၵ)။
4) လွင်ႈၼူၵ်ႉၶုမ်ႈၶဝ် ၽွင်းၽွမ်ႉႁူမ်ႈၵၼ်ၼၼ်ႉ လွတ်ႈၽေးၶဵၼ်ပူႇမူးသိူဝ်း သေတႃႉ မိူဝ်ႈဢမ်ႇၽွမ်ႉၵၼ်ၼၼ်ႉ လႆႈထုၵ်ႇ ၶမ်ႁဵဝ်ႉၵႂႃႇ။ (ၸၢတ်ႈ သမ်ႇမေႃၻမႃၼ)။
5) လွင်ႈတူၼ်ႈမႆႉ ဢမ်ႇမီးၸႂ်သေတႃႉ တူၼ်ႈၼိုင်ႈလႄႈတူၼ်ႈၼိုင်ႈ ဢိင် လင်ၽင်ၼွင်ႈၵၼ်သေ ႁေႉၵင်ႈလႆႈၽေးလူမ်းလႅင်ႉလူင်၊ (ၸၢတ်ႈ ရုၵ်ၶꩪမ်မ)။
6) လွင်ႈ ႁႂ်ႈမေႃသင်ႇသွၼ်ၵုမ်းထိင်းတူဝ်ၸဝ်ႈၵဝ်ႇ “ဢတ်တၻၼ်တ သုတ်ႈ”။ ၸိူဝ်းၼႆႉယူႇယဝ်ႉ။
☘️ပေႃးလႆႈထွမ်ႇထမ်းတြႃးၸိူဝ်းၼႆႉယဝ်ႉ ၶုၼ်လႄႈ ၸဝ်ႈႁႆႈၸဝ်ႈၼႃးတင်း
သွင်မိူင်း၊ ၾႆးတေႃးသမွတ်ႇယဵၼ်ၵႂႃႇသေ ဢွၼ်ၵၼ်ပွႆႇၽႃႈပႅတ်ႈၶိူင်ႈယိပ်း ၶဝ် ယဝ်ႉ ထၢတ်ႈမဵတ်ႉတႃႇၶဝ်ႈမႃးသေ ၸဝ်ႈၸၢႆးတင်းသွင်မိူင်း၊ ၼိုင်ႈမိူင်း(250)ၵေႃႉ ဢွၼ်ၵၼ် ၶဝ်ႈမႃးၼႂ်းသႃႇသၼႃႇ ႁဵတ်းရႁၢၼ်းယူႇယဝ်ႉ။
🍁 ၸဝ်ႈရႁၢၼ်းႁႃႈပၢၵ်ႇၸိူဝ်းၼၼ်ႉ ၶုၵ်းၸႂ်လႆႈၼၢင်းမေးၶဝ်လႄႈ ဢမ်ႇ မူၼ်ႈသိူဝ်းၼႂ်းသႃႇသၼႃႇလႄႈ ၽြႃးပဵၼ်ၸဝ်ႈ ဢဝ်ဢူမုၼ်ၸဝ်ႈသေ ဢွၼ် ၸိူဝ်းၶဝ် ၵႂႃႇတီႈလွႆ ႁိမဝၼ်ႇတႃႇ ႁိမ်းၼမ်ႉၼွင် ၵုၼႃလၼၼ်ႉယဝ်ႉ။ ၽြႃးပဵၼ် ၸဝ်ႈၸင်ႇႁေႃးၼႄၸၢတ်ႈ ၶုၼ်ၼူၵ်ႉၵုၼႃလယဝ်ႉ မိူဝ်ႈထမ်းတြႃးသုတ်းၼၼ်ႉ ၸဝ်ႈရႁၢၼ်းႁႃႈပၢၵ်ႇၶဝ် လႆႈပဵၼ်သေႃးတႃႇပၢၼ်ႇၵႂႃႇသဵင်ႈယူႇယဝ်ႉ။ ၽြႃးပဵၼ် ၸဝ်ႈၶိုၼ်းဢွၼ်ၶဝ်ၸဝ်ႈ ပွၵ်ႈမႃးမိူဝ်းတေးသဝ်း ႁိမ်းမိူင်းၵပိလဝတ်ႈ ၼႂ်းထိူၼ်ႇ လူင်မႁႃႇဝၼ်ႇၼၼ်ႉယဝ်ႉ။ ၵမ်းပွၵ်ႈမႃးတႄႉ ၸဝ်ႈရႁၢၼ်းႁႃႈပၢၵ်ႇၶဝ်ၸဝ်ႈ ဢဝ် တင်းဢူမုၼ်ၸဝ်ႈၵဝ်ႇသေ ၸွမ်းလင်ၽြႃးပဵၼ်ၸဝ်ႈမႃးယဝ်ႉ။ ၶဝ်ၸဝ်ႈၶိုၼ်းမႃး ၶတ်းၸႂ်တြႃးသေ ဢွၼ်ၵၼ်ပဵၼ်ရႁၢၼ်းတႃႇၵွႃႇတင်းႁႃႈပၢၵ်ႇၸဝ်ႈယူႇယဝ်ႉ။
🍃 ၸဝ်ႈရႁၢၼ်းႁႃႈပၢၵ်ႇၼၼ်ႉ ၵွပ်ႈပိူဝ်ႈၶႂ်ႈဝႆႈလဝ်ႈၽြႃးပဵၼ်ၸဝ်ႈ လွင်ႈဝႃႈ ၶဝ်ၸဝ်ႈ လႆႈတြႃးယဝ်ႉၼႆလႄႈ ဝၼ်းလိူၼ်ၸဵတ်းမူၼ်း ယၢမ်းႁူဝ်ၶမ်ႈၼၼ်ႉ ၶဝ် ၸဝ်ႈၸင်ႇၸုလုမ်းတုမ်မႅၼ်ႈၵၼ် ပႃႈၼႃႈၽြႃးပဵၼ်ၸဝ်ႈယူႇယဝ်ႉ။ ၵွပ်ႈပိူဝ်ႈလႆႈ ႁၼ်လွင်ႈလၢၵ်ႇလၢႆး ၶဝ်ၸဝ်ႈ ဢဝ်တင်းဝူၼ်ႉၽႂ်မၼ်းသေ မႃးသုၼ်ႇၺႃးၵၼ် ၶိင်ႇလဵဝ်ယၢမ်းလဵဝ်ၵၼ်ၼင်ႇၼၼ်လႄႈ ၸိူဝ်းပဵၼ် ၽီ၊ သၢင်၊ ဢသုရႃႇ၊ ၼၵႃး၊ ၵႃလူၼ်ႇ ၼႂ်းၸၵျဝလႃႇမိုၼ်ႈတိူၵ်ႈ ဢွၼ်ၵၼ်မႃးႁင်းၽႂ်မၼ်းယူႇယဝ်ႉ။ ၽွင်း ၼၼ်ႉ တိူၵ်ႈၸၵျဝလႃႇတင်းသဵင်ႈ ၵိုင်ႇၵႃႈ မၢၵ်ႈၶဵမ်ဢွၼ်ႇမၢၵ်ႈၼိုင်ႈၵူၺ်းၵေႃႈ ဢမ်ႇမီးဢွင်ႈပဝ်ႇယဝ်ႉ။ ရႁၢၼ်းဢၼ်မီးၼႂ်းပၢင်ၼၼ်ႉၵေႃႈ ပဵၼ်ရႁၢၼ်းတႃႇ တင်းႁႃႈပၢၵ်ႇယဝ်ႉ။ ၵွပ်ႈပိူဝ်ႈၼၼ် မိူဝ်ႈပၢၼ်ၽြႃးပဵၼ်ၸဝ်ႈႁဝ်းၼၼ်ႉ ဝၼ်း လိူၼ်ၸဵတ်းမူၼ်းၼႆႉ ဢိင်လူၺ်ႈၽီသၢင်ၶဝ် မႃးၸုလုမ်းတုမ်ၵၼ်လႄႈ ႁွင်ႉဝႃႈ ဝၼ်းမႁႃသမယ ၼႆယဝ်ႉ။ ထမ်းတြႃးဢၼ် ႁေႃးဢွၵ်ႇမွၵ်ႇၼႄၸိုဝ်ႈ ၽီၶဝ်ၵူႈ ၸိူဝ်းၸိူဝ်းၼၼ်ႉၵေႃႈ ႁွင်ႉဝႃႈထမ်းမႁႃႇသမယသုတ်ႈၼႆယဝ်ႉ။
🌺 ဝၢႆးသေႁေႃး မႁႃႇသမယသုတ်ႈယဝ်ႉ ၽြႃးပဵၼ်ၸဝ်ႈႁဝ်းသိုပ်ႇႁေႃးထမ်း ဢၼ်ၵဵဝ်ႇလူၺ်ႈတၢင်းယၢမ်ႈ ၸႃႇရိတ်ႉတ ၽီသၢင်ၶဝ်ၼၼ်ႉယဝ်ႉၼင်ႇတႂ်ႈၼႆႉ ယဝ်ႉ။
1) ၵေႃႉဢၼ်ရႃႇၵၸရိူၵ်ႈယႂ်ႇၼၼ်ႉ ႁေႃးပၼ်ထမ်းသမ်မႃပရိၿ်ၿႃꩡၼိယ သုတ်ႈ။
2) ၵေႃႉဢၼ် တေႃးသၸရိူၵ်ႈယႂ်ႇၼၼ်ႉ ႁေႃးပၼ်ထမ်း ၵလႁဝိဝႃၻ သုတ်ႈ။
3) ၵေႃႉဢၼ် မေႃႁၸရိူၵ်ႈယႂ်ႇၼၼ်ႉ ႁေႃးပၼ်ထမ်း မႁႃၿိဝ်ႁသုတ်ႈ။
4) ၵေႃႉဢၼ် ဝိတၵ်ၸရိူၵ်ႈယႂ်ႇၼၼ်ႉ ႁေႃးပၼ်ထမ်း ၸူꩮꩮလၿိဝ်ႁသုတ်ႈ။
5) ၵေႃႉဢၼ် သၻ်ꩪႃၸရိူၵ်ႈယႂ်ႇၼၼ်ႉ ႁေႃးပၼ်ထမ်း တုဝၻၵသုတ်ႈ။
6) ၵေႃႉဢၼ် ပၺ်ႇၺႃႇၸရိူၵ်ႈယႂ်ႇၼၼ်ႉ ႁေႃးပၼ်ထမ်း ပုရႃၽေၻ သုတ်ႈ။ ဝၢႆးႁေႃးထမ်းၸိူဝ်းၼႆႉယဝ်ႉ ၽီသၢင်တင်းၼမ် ၵုၵ်ႉတေႇၼိုင်ႈ သႅၼ် ႁူႉႁၼ်ထမ်းသၸ်ႉၸႃႇၵႂႃႇယူႇယဝ်ႉ။
🌳#လွင်ႈလၢၵ်ႇလၢႆး #ဝၼ်းလိူၼ်ၸဵတ်းမူၼ်း-
1) လၢၵ်ႇလၢႆးၵွပ်ႈပိူဝ်ႈ ႁဵတ်းႁႂ်ႈၸဝ်ႈႁႆႈၸဝ်ႈၼႃး သွင်မိူင်း လႆႈၵၢင်းလွတ်ႈ ၽေးတိုၵ်းတေႃးၵၼ် လႄႈ လႆႈၵတ်းယဵၼ်သိူဝ်းသႃႇ တင်းသွင်ၽၢႆႇ။
2) ၽီ၊ သၢင်၊ ဢသုရႃႇ၊ ၵလူၼ်ႇ၊ ၼၵႃးလႄႈ ရႁၢၼ်းတႃႇၶဝ်ၸဝ်ႈလႆမႃး ၸုလုမ်းတုမ်ၵၼ် မီးပွၵ်ႈလဵဝ်ၼႆႉၵူၺ်း။
3) ပဵၼ်လွင်ႈ ၸဝ်ႈၸၢႆးသွင်မိူင်း ႁႃႈပၢၵ်ႇၶဝ်ႈမႃးၼႂ်းသႃႇသၼႃႇ။
4) ပဵၼ်ဝၼ်း ၸဝ်ႈရႁၢၼ်းႁႃႈပၢၵ်ႇ ပဵၼ်ရႁၢၼ်းတႃႇ။
5) လၢၵ်ႇလၢႆး ၵွပ်ႈပိူဝ်ႈ လႆႈထွမ်ႇထမ်း ၽြႃးၼိမ်ႇမိတ တွင်ႈထၢမ်သေ ၽြႃး ပၵတိသမ်ႉတွပ်ႇ။
6) ဢိင်လူၺ်ႈ ထမ်းမႁႃႇသမယသုတ်ႈသေ ၵႃလူၼ်ႇလႄႈ ၼၵႃးၶဝ် မီး မဵတ်ႉတႃႇတေႃႇၵၼ်၊ ဢမ်ႇႁဵတ်းၶဵၼ်ၸူးၵၼ်။
7) လၢၵ်ႇလၢႆး ၵွပ်ႈပိူဝ်ႈ ပဵၼ်ဝၼ်းဢၼ်ႁေႃး ၵဵဝ်ႇလူၺ်ႈ မႁႃႇသမယ သုတ်ႈတၢၼ်ႇ(7)မဵဝ်း။
😎 ပဵၼ်ဝၼ်းဢၼ် ငဝ်ႈငႃႇ တႃႇသႃႇသၼႃႇ ရႁၢၼ်းၼၢင်းယိင်းၶဝ် တေ မီးမႃး။ ၸႃႉၵႂႃႇၸိူဝ်းၼႆႉယူႇယဝ်ႉ။
🌿ၵွပ်ႈပိူဝ်ႈၼၼ်လႄႈ ဝၼ်းမိူဝ်ႈၼႆႉ ပဵၼ်ဝၼ်းယႂ်ႇဝၼ်းလူင် ဝၼ်းႁူင်
ဝၼ်းႁၢင်း ဝၼ်းၼိုင်ႈတွၼ်ႈၸႃႇၸၢဝ်းပုတ်ႉႁဝ်းၼႆလႄႈ၊ ထုၵ်ႇလီဢွၼ်ၵၼ် သုတ်ႇမုၼ်းလွတ်ႈႁေႃး “မႁႃသမယသုတ်ႈ”ၼၼ်ႉယူႇယဝ်ႉ။ ပေႃးဝႃႈ ၵႆႉသုတ်ႇ မုၼ်းလွၼ်ႈႁေႃး မႁႃႇသမယသုတ်ႈၸိုင် ၽီသၢင်ၶဝ် ႁၵ်ႉႁွမ်တူၺ်းထိုင်ၼႆယူႇ ယဝ်ႉ။ ၵူႈၵေႃႉတင်းသဵင်ႈ တၢင်းၶီႁႂ်ႈၵၢတ်ႈ တၢင်းမျၢတ်ႈႁႂ်ႈမႃး တူဝ်ၸႂ်သွင်ပႃး ႁႂ်ႈသိူဝ်းသႃႇ ၵတ်းယဵၼ်သေၵမ်း။
11 июн 2022
