ATV-də yayımlanan bütün mahnıları RU-vid-da izləmək üçün rəsmi kanalımıza abunə olun: bit.ly/atvmusic... Gülyanaq Məmmədova ft Fehruz Səxavət - Gözlərin Nanəli (23.04.2017) Aparıcı: Nanə Ağamalıyeva #atvmusic #azadazerbaycan #atv
Əliaga Vahid Ölməzdim, əgər sən kimi bir dilbərim olsa, Bir afəti-can, şuxi-mələkmənzərim olsa. Hər gün dolanıb başına qurbanın olardım, Pərvanəsifət uçmağa balü pərim olsa. Mən də sevilərdim bütün aşiqlər içində, Ahuləri Məcnun eyləyən gözlərim olsa. Şövq ilə nisar eylərəm hər bir qədəmində, Ahuləri Məcnun eyləyən gözlərim olsa. (Dərya qədəri əldə dürü gövhərim olsa.} Kuyində mənə, qoy nə bilir, eyləsin əğyar, Əlbəttə, cəzasın çəkər, Allah kərim olsa. Biganəyə mən bir belə minnət mi edərdim, Könlüm kimi bir yari-vəfapərvərim olsa. Vahid, demərəm dərdimi mən başqa nigarə, Yarım bilir, eşqində nə dərdi-sərim olsa. Əliaga Vahid Əvvəldə gərək sevgili yarım sən olaydın, Sərvim, çəmənim, bağü-baharım sən olaydın. Bülbül kimi ətrafına hər gün dolanaydım, Öz gülşənim, öz laləüzarım sən olaydın. Bir başqa nigar eşqinə düşməzdim əzəldən, Hərgah, gözəlim, nazlı nigarım sən olaydın. Gülzarı gəzib, nərgisə baxmazdım ölüncə, Ömrüm boyu gər çeşmi-xumarım sən olaydın. Qəlbimdə səni gül kimi bəslərdim həmişə, Dövrəmdə gəzən bülbüli-zarım sən olaydın. Xoşdur mənə, öz Vahidinəm, eşqinə yansam, Peyvəstə gərək dildə şüarım sən olaydın. Gözlərin Söz: Əliaga Vahid Müzik: Əlibaba Məmmədov Sevgilim, el bilir mən əhli-dərdəm, Səndən başqasını sevsəm namərdəm. Qüssədən ölürəm, neylim ki, hər dəm, Məni qoyub baxır yana gözlərin. Kipriklərin (Kipriyin) xəncərdir, qaşların kaman, Sevdiyim aşiqə (Yıxdığım acizə) verməzsən aman. Dedilər cəlladsan, etməzdim güman, Salacaqdır məni qana gözlərin. Sənin əlindədir hər ixtiyarım, Zalım, öldür məni qəmdən qurtarım, Bəs kimə söyləyim, kimə yalvarım, Gətiribdir məni cana gözlərin. Könlümü salacaq zülfün kəməndə, Həsrətin qoymayıb can qalsın məndə, O gözlər var ikən nə qədər səndə, Alacaq könlümü sona gözlərin. Vahidəm, sevgilim, mən də qanıram, Fitnəkar gözəli qəmdən (üzdən) tanıram, Necə deyim sənə, qəmdən yanıram, Mənim tək od tutub yana gözlərin!
çox çox sağ olun. əla. dinləyib ləzzət aldım. Firuz və Gülyanaq xanım Sizin birgə oxumağınız çox gözəl alınır, Firuz başqasan qardaş istərdim bir yerdə oxuyasınız. xoşuma gəldiyi üçün FİKRİMİ çatdıra bilmədim. əəəəlllllaaa Əlibaba Məmmədov 1000 yaşa
İki möhtəşəm səs,iki gözəl insan.Kaş bu cütlüyü Leyli Məcnun səhnəsində də görərdik.Nə gözəl bir cütlük olduqları lap əla görünərdi.Eşq olsun dəyərli sənətkarlarımıza.
SALAM OLSUN SİZLERE ELA NİN ELA Sİ VALLAH COX BÖYÜK ZÖVQ ALDİM FİRUZ MÜELLİM VE GÜLYANAQ XANİM TANRİM SİZLERİ SEHNEMİZDEN ESKİK ETMESİN. EVEZ OLUNMAZ BİR İFA BİR DUETİ VALLAH. NE YAXŞİ Kİ VARSİNİZ. MUSİQİMİZİN EVEZ OLUNMAZ İFACİ LARİ ALLAH SİZLERİ QORUSUN. AMİN AMİN AMİN AMA COX İSTERDİM LEYLİ VE MECNUN OPERASİNİ BİRLİYDE İFA EDE SİNİZ İNANİRAMKİ FİRUZ MÜELLİM VE GÜLYANAQ XANİMİN İFASİ NDA COX GÖZEL ALINA R LEYLİ VE MECNUN
