Gürcüstan illərdir sakit həyatı ilə seçilirdi. 2008-ci il Rusiya müharibəsindən sonra gürcülər taleləri ilə barışmışdılar. Torpaqlarının bir hissəsi Rusiyanın işğalı altındadır. Bu işğala səbəb Gürcüstanın Qərbə yaxınlaşmaq istəyi olmuşdu. Saakaşvili bu işin öhdəsindən gələ bilmədi. Rusiya işğalçılıq siyasəti ilə Gürcüstanı dayandıra bildi. Ukrayna müharibəsindən sonra isə Gürcüstanın Qərb arzuları yenidən çiçəkləndi. Bu dəfə ona Avropa İttifaqı və NATO-ya üzvlük vədi verdilər. İndi Gürcüstan bu vədlərin hesabını ödəyir. Gürcüstan qaynayır. Qonşu ölkə Pasxa bayramını mitinqlərlə qeyd edir. Səbəb “Xarici təsirin şəffaflaşdırılması haqqında” qanunun qəbuludur. Məqsədi xaricdən maliyyələşən qeyri-hökumət təşkilatları və media vasitələrinə nəzarətdir. Amma gürcülər hesab edirlər ki, bununla Kobaxidze hökuməti Rusiyaya yaxınlaşır. Çünki bu qanunu ilk qəbul edən Rusiya olub. 21-ci əsrdə ilk qəbul edən. Tarixə nəzər salanda məlum olur ki, qanun ilk dəfə 1938-ci ildə ABŞ-də qüvvəyə minib. Bəs niyə məsələdə məhz Rusiyanın adı hallanır? Məlumdur ki, Gürcüstanda Prezident Salome Zurabişvili Qərbin adamıdır. İqtidardakı “Gürcü arzusu” partiyası isə neytral mövqeyi ilə seçilib. Amma indiki baş nazir İrakli Kobaxidze açıq-aydın Qərbə meydan oxuyur. Rusiya Gürcüstanda ən arzuolunmaz dövlətdir. Gürcülər rusların əlinə keçən torpaqlarını unutmayıblar. Rusiyaya yaxınlaşmaq ruslardakı torpaqlarının işğalda qalması deməkdir. Qərbə yaxınlaşmaq isə bəlkə də Gürcüstanın yeni torpaq itirməsi. Beləliklə, Qərb-Rusiya qarşıdurmasının növbəti ünvanı Gürcüstandır. Gürcüstanı nə gözləyir? Təəssüf ki, qonşumuzda baş verənlər heç də yalnız onu narahat etmir. Gürcüstandakı hadisələr Azərbaycana necə təsir edə bilər? Nəzərə alsaq ki, bu ölkədən strateji kommunikasiya xətlərimiz keçir. Gürcüstandakı xüsusi müxbirimiz Səid Babazadənin reportajı.
Bizi İzləyin:
Whatsapp: whatsapp.com/c...
Facebook: / ictimai.tv
Instagram: / ictimaitv.official
Teleqram: t.me/tvictimai
Sayt: itv.az/
Copyright © İCTİMAİ TV
#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet
26 сен 2024
