"Güzgü" verilişinin növbəti buraxılışı "Cümhuriyyət dövrünün izləri və irsləri çağdaş publisistikamızda" mövzusuna həsr olunub. Verilişdə yazıçı-publisist Əsəd Cahangir 23 aylıq hökumətin maarifçilikdə, təhsildə, elmdə, sənətdə apardığı islahatlardan və bu reformların müasir dövrümüzlə əlaqələrindən, həmçinin o zaman yaranmış mətbu orqanlar, müxtəlif qəzet və jurnallarla çağdaş publisistika arasında olan paralellərdən söhbət açacaq. Habelə bugünkü verilişimizdə "Jurnalistikamız dövlətçiliyi mühafizə etmək rolunu üzərinə götürə bilirmi?" sualı aydınlığa qovuşacaq, bəzi məchul qalan məqamlar da gün işığına çıxacaq.
Aparıcı: Mehriban Zəki
Ssenari müəllifi: Turan Uğur
Rejissor: Şövkət Fikrətqızı
Copyright © Mədəniyyət TV
RU-vid kanalına abunə olun: bit.ly/2BpXnnT
Facebook - bit.ly/39jZ96G
İnstagram - bit.ly/30IIVjB
RU-vid - bit.ly/39tyzYL
Rəsmi sayt: bit.ly/2OMoBrU
İnsanların zövqünün formalaşmasında, mədəni səviyyəsinin yüksəlməsində mətbuatın, ən əsası isə telekanalların rolu danılmazdır.
“Azərbaycan Televiziya və Radio Verilişləri” QSC-nin bazasında yaradılmış və qısa müddətdə tamaşaçı rəğbəti qazanmış “Mədəniyyət” kanalı məhz belə önəmli missiyanın öhdəsindən uğurla gəlir.
“Mədəniyyət” kanalının əsas məqsədi Azərbaycan mədəniyyətinin bəşəri dəyərlərini dünyaya çatdırmaq, həmçinin dünya mədəniyyət incilərini ölkəmizdə təbliğ etmək, gənc nəslin bədii-estetik zövqünü formalaşdırmaqdır.
Kino, teatr, musiqi, tətbiqi sənət, tarixi abidələrin qorunması və bərpası ilə bağlı hazırlanan dövlət proqramları və Prezident İlham Əliyevin mədəniyyət sahəsinin inkişafı ilə bağlı sərəncamları təsdiq edir ki, ölkəmizdə mədəniyyətə, mənəvi dəyərlərin qorunub saxlanılmasına böyük qayğı var.
“Mədəniyyət” kanalının yaradılması da dövlətimizin, onun başçısı İlham Əliyevin mədəniyyətə, incəsənətə göstərdiyi böyük diqqət və qayğının nəticəsidir.
#AZTV #MədəniyyətTV
25 май 2022
