GABAY SA PAGTATANIM NG CARROT SA 10 LITERS NA BOTE
Ngayong araw na ito ay ise-share ko sa inyo ang pagtatanim ng Carrot sa 10 liters na empty bottle ng mineral water sa pamamagitan ng Organikong pamamaraan.
Ang Carrot ay masarap at masustansiya, madalas ay kinakain ng sariwa, inahalo sa vegie salad at ginagamit sa sahog sa iba't-ibang lutuin.
Una ang mga seeds ng Carrot ay maaari kayong bumili sa mga plant nursery, SM Supermarket, Ace Hardware, Handyman, Shopwise at iba pa.
Simpleng alagaan at patubuin ang Carrot sa 10 liters na empty bottle ng mineral water.
Tiyakin lamang na buhaghag at matabang lupa ang gagamitin sa pagtatanim ng ano mang halaman, tulad ng Carrot.
Ang matabang lupa ay pundasyon ng malusog ng halaman.
Ang ratio ng lupa sa pagtatanim ng mga halaman tulad ng Carrot ay 60 percent buhaghag na lupa, 20 percent ipa ng palay at 20 percent ay tuyong dumi ng manok o chicken manure.
Ibaon lang ng 1-inches sa lupa na nasa bote ang apat na buto ng Carrot at pagkalipas ng 5 hanggang 7-araw ay tutubo na.
After 20-days ng pagkakatubo ng tanim ay maaari ng diligan at ispreyan ng natural fertilizer na Fermented Plant Juice (FPJ),.isang beses kada Linggo para manatiling malusog.
Para hindi lapitin ng mga insekto ang Carrot ay one's a week na mag-ispray ng Oriental Herbal Nutrients (OHN) kahit walang naninira para maagapan agad ang posibleng manira sa ating mga tanim.
Sa loob lang 90 to 120-days ay maaari ng umani ng Carrot na sariling tanim sa ating bakuran.
Makakatipid kana, masustansiya pa ang pagsasaluan ng buong pamilya at hindi ka maaapektuhan ng mataas na presyo ng gulay tulad ng Carrot sa Merkado.
Tandaan lang po na laging i-apply ang TLC-Tender Love and Care sa pagtatanim ng mga halaman para ito ay mapakinabangan.
Ang Magsaskang Reporter po ay marami ng tanim na gulay, pero patuloy pang nagtatanim dahil sa paniniwalang ang pagkakaroon ng seguridad sa pagkain ay dapat magsimula sa ating tahanan, "FOOD SECURITY STARTS AT HOME.
Milyun-milyon ngayon ang nagugutom, maraming kabataan ang malnutrition, ang pagtatanim at pagkain ng gulay ang solusyon.
Nagawa ko po ito, magagawa rin po ninyo.
Nawa po ay nakapag-share ako ng kaalaman at impormasyon ngayong araw na ito tungkol sa pagtatanim at pag-aalaga ng Carrot sa bote.
Panoorin po ninyo ang video tutorial ko sa aking RU-vid Channel na ANG MAGSASAKANG REPORTER tungkol sa step by step na pagtatanim at pag-aalaga ng Carrot sa bote.
Para sa iba pang tips at sikreto sa pagtatanim ng iba't-ibang uri ng halaman ay maari po kayong manood at makinig ng aking TV at Radio program na Masaganang Buhay tuwing Linggo, alas-7:00 hanggang alas-8-00 ng umaga sa OnePH Cignal TV, Channel 1 ng TV-5. Mapapakinggan din po sa Radyo Singko 92.3 News FM.
Maaari din kayong manood at mag-subscribe sa aking RU-vid Channel na ANG MAGSASAKANG REPORTER para sa iba pang kaalaman at ipormasyon sa pagtatanim ng iba't-ibang uri ng halaman sa pamamagitan ng Organikong pamamaraan.
Tuwing araw ng Martes ay regular ninyong mababasa ang aking kolum dito sa Pilipino Star Ngayon (PSN) ng Star Group of Publication.
Sa mga tanong at komento ay maaari ninyo akong i-txt, huwag pong tawag ah, sa 09178675197. STAY SAFE, HAPPY FARMING, GOD BLESS US ALL.
English subtitles are available, just click the "CC" icon at the bottom of the video. Enjoy watching!
11 сен 2024