Përshëndetje Miq!
Në këtë video do t'ju tregojmë Gatime të thjeshta Verore / Drekë e shpejtë me gatime të ndryshme verore.
Gatimi 1. Patëllxhan të pjekur në furrë
Përbërësit:
2 Patëllxhan
Kripë
Vaj ulliri
Për salcën:
3 thelpinj hudhre
2 lugë lëng limoni
2 lugë uthull
1 filxhan vaj ulliri
kripë
Përgatitja:
Patëllxhanët i presim përgjysëm pa i ndarë pjesët, i bëjmë disa prerje të vogla dhe i hedhim kripë dhe vaj ulliri dhe i vendosim në furrë të piqen. Pasi piqen i nxjerrim nga furra. Salcën e përgatisim duke vendosur në blender vajin e ullirit, uthullën, lëngun e limonit, hudhrat dhe kripën. Salcën ja hedhim sipër patëllxhanëve. Ju bëftë mirë.
2. Fërgesë e shpejtë me speca dhe domate
Përbërësit:
Speca
Domate
Kripë
Vaj ulliri
Përgatitja:
Skuqim specat në zjarr mesatar derisa të skuqen mirë. Pastaj hedhim domatet të cilave jua kemi hequr lëkurën dhe i kemi grirë hollë. Shtojmë kripën dhe i lëmë të ziejnë në zjarr mesatar. Ziejmë afërsisht 5-10 minuta derisa të shikojmë se fërgesa është lidhur mirë. Ju bëftë mirë.
Gatimi 3. Kos me speca dhe hudhra.
Përbërësit:
Kos
Speca
Hudhra
Kripë
Vaj për skuqje
Përgatitja. Në një tigan shtojmë vaj dhe vendosim specat të skuqen në zjarr mesatar. Në një enë hedhim kos, shtojmë 2-3 thelpinj hudhër të grirë hollë, shtojmë edhe specat e skuqur sëbashku me vajin, kripë dhe i ërziejmë përbërësit. Ju bëftë mirë.
Gatimi 4. Tarator
Përbërësit:
Kos
Kastravec
Hudhra
Kripë
Vaj ulliri
Përgatitja:
Në një enë hedhim kos, grijmë kastravecin në pjesë shumë të vogla, shtojmë hudhrat e grira imët, kripë dhe përziejmë. Sipër i hedhim vajin e ullirit. Ju bëftë mirë.
Nëse ju pëlqeu video mos harroni të klikoni Like, Share dhe të Komentoni. Klikoni SUBSCRIBE @everythingaboutvillage për më shumë video rreth jetës në fshat, gatimeve të fshatit, punëve që bëhen në fshat dhe natyrës së fshatit. Faleminderit.
8 сен 2024