GAWI JASA [[ DJAFAR SANI ]] JURU PA TUKU MBOKA PA WAKE [[ LAGU DAERAH ENDE LIO 

GAWI JASA
GAWI TERBARU 2024 PAKET DJAFAR SANI
Cipt. Bob Alviano
Voc. Bob Alviano
============================================================
JURU KITA PA TUKU BOKA KITA PA TOPA
INA PU KITA ATA LIO ENDE
EO MURI MERA LEKA TANA WATU EO MI MENGE
TO'O GHETA WATU NESO GHALE NO TANA NAGE
ULI NGERE AJI KA'E MA'E PA TANGE
PAWE DU RAKA ATE....
E E ELE SO ELE LE
E E LE SO ELE LE
E E LE SO ELE LEA LIO ENDE MAE SENA NEKE
KIWA SAWE WULA LEMBA KOBE LEJA GHA DEKI DOWA
KITA MO PILI WAKE WALO DOWA
LAKI MOSA LEKA PEMERETA
TAU KEMA MBANA TAU WENGGO NENA
WE URA AJE PEMERETA MA'E KEDHI BETA
E E ELE SO ELE LE
E E LE SO ELE LE
E E LE SO ELE LEA LIO ENDE MAE SENA NEKE
LELE SAI MIU...LELE NGER KINGA KEMBE
PIKI SAI MIU...PIKI...PIKI NO'O ATE NDERE
NGILO SAI BARU SI'O,GALE RO BARU PATE
PILI GALE WE LIO ENDE MBALE SARE PAWE
DEKU DU DELE INE AME LE
DEKU DU DELE IMU EJA E...
DEKU DU DELE ENDE SARE RE
DEKU...DEKU DU DELE LIO PAWE LE
DEKI DO TANGGAL DUA TUJU...
TUJU SAI NGERE MUKU
DEKI DO BULAN SEBELAS TEMU...TEMU SAI IWA NGERA
DHAJO SAI KITA SADALO,MERA KITA SAI KAJA
TAU TATO TENA DJAFAR NO SANI
WE NAI SA'O RIA TIKA LEKA TENDA BEWA
DEKU DU DELE INE AME LE
DEKU DU DELE IMU EJA E...
DEKU DU DELE DJAFAR AME LE
DEKU...DEKU DU DELE SANI KA'E LE
SENA... ATE KAMI SENA DEMA
NO'O DJAFAR EMA EO ATE GHU BHERI RAKA
KAU PAI PAKA KAPA BARA,MAI GHAWA PULO JAWA
TAU REGU WANGGA NGAWU RAGA,NO'O OLA KA
WE FAI NO ANA KALO MA'E LOWA MOA
SENA ATE KAMI SENA
SENA ATE KAMI SENA...
SENA ATE KAMI SENA... DAU DJAFAR EMA KAU MERA WALO SADEKA
KAPA SO BHALE WALO
IWA PERE TARI ANDO,WAU RA'O FEO NIO NO KAKAO
REGU WANGGA JAMBU CENGKE NO MUKU LELA
NGAWU ESA KAMI PETANI EO MURI SUSA
SENA ATE KAMI SENA
SENA ATE KAMI SENA...
SENA ATE KAMI SENA... DAU DJAFAR EMA KAU MERA WALO SADEKA
DEI ATE KAMI PERE DEI...
NO IMU EJA KA'E KAMI YUSTINUS SANI
O RAWI MALI,LEKA POLITIK
SUKE SANI WE LIO ENDE MA'E NGGERA NGGAMI
DEI ATE KAMI DEI
DEI ATE KAMI DEI...
DEI ATE KAMI DEI YUSTINUS SANI O ATE KAMI PERE DEI
KAU PIKI PALI NGADE KAMI MA'E MOA TAKI
WENGGO JEJO AE ENDE MA'E DUNA DATI
NEBU INA KAU TAU MBALE WAKE BUPATI
RINA OSO KAE SANI MA'E KELO KAMI...
DEI ATE KAMI DEI
DEI ATE KAMI DEI...
DEI ATE KAMI DEI YUSTINUS SANI O ATE KAMI PERE DEI
MIU IMU RUA DJAFAR NO SANI EO DOLE DOWA
TEMU SAI PIKI PORA KAMI DAU POTO
POTO MIU RAKA LEMBA
RIA NIA WAKA BEWA,LIO ENDE MA'E MBI'A MBERA
JURU KITA PA TUKU,BOKA KITA PA TOPA
WE SA'O RIA PANCASILA DU'E MA'E NGGERA....
OLE OLE O LIO JEKU JANA LE...
OLE OLE O ENDE MINGGO MANGGO MANGGO RE....
===========================================================
#GAWIJASA#LAGUGAWIENDELIOTERBARU#GAWITERBARU2024#PILKADAENDE#LAGULIO#LAGUPAKETPILKADA