GEÇIPDIR - Begli Halmämmedow 

awtor: Ata Muhammedow
video: Allaguly Hommakow
Nanyn iýip suwun içdim jahanyň,
Pikir etsem, ömrümiz hem geçipdir.
Suwun içip, nanyn iýsem jahanyň,
Kem-kemden ol meniň ganym içipdir.
Özümiz gojalýarys. Göwünlerimiz ýaş.
Ömür öter. Bolmaz oňa hiç alaç.
Ýalaňaç gelenler, gider ýalaňaç.
Pelek bize bizden donuň biçipdr.
Pelegiň ýanynda ynsan bir ejiz.
Wagt öter, ömrümiz hem geçer tiz.
Ýöne sen gama batmagyn hergiz.
Otur, oýlan gör kimseler geçipdir.
Geçipdir gör mundan nije alymlar,
Nähakdan gan döken ençe zalymlar.
Abu Lahab, Furgun hem-de karunlar
Ýerbe-ýegsan bolup har dek geçipdir
Muhammet resul, hezreti Isa,
Hak dosty Ybraýym, pygamber Musa.
Boýun egmedikler munda Iblise
Syrat köprüsinden ýel dek geçipdir.
Ýer ýüzüni alan Isgender şany
Goýdumy? Bir seret bu jahan, pany.
Pikie et. Tutan barmy dünýäni?
Bu gün gelen erte ýel dek geçipdir.
Hezreti Aly ol Allanyň şiri,
Ebu Bekr olam dörtleriň biri,
Kasym ibn resul, Osman, Omary,
Bularyň bary geçipdir.
Garaz uzaltman aýdaýyn göni.
Men-ä görmedim bu jahany tutany.
Biz bäş günläp söýsek şu jahany,
Altynjy gün tutuş dünýe geçipdir!
#gosgylar #durmus #стихи #тренд #рекомендация #kontent #yutube #salamnews