نزلت دمعه من عيني حين عرفت في نهاية المسرحية ان كريستينا كانت وهما يلازم علي , جورج انت فنان مبدع و راقي , تنتزع البسمة والحزن والفرح والتأمل ممن يشاهد اعمالك , تحية لجورج ولفريق العمل المميز وعاش لبنان ومبدعوه
نهاية قصة الحب من الواقع بس برأيي في كتير علاقات مختلفة ب الدين بس كانت ناجحة اكتر من اصحاب الدين الواحد وبلنهاية تحية كتيييير كبيري للعبقري ابن بلدي جورج خباز
الطّائفيةُ ذِئبَةٌ مسعورةٌ … تدمي فؤاد العاشق المهتامِ… من العراق تحية الى لبنان الذي يشبهنا ونشبهه في كل الآلام والآمال.. بوركتِ يا جورج نجار في وصف عمق الجرح ونبل الوعي
اول مسرحية للكبير والمبدع جورج خباز ما بحضرها عالمسرح تحية من القلب لفخر لبنان واللبنانيين الله يوفقك و يحميك بحبك كتير و بنتي اسمها كرستينا ❤️❤️❤️❤️💕💕💕💕😘😘😘
للأسف هذا الواقع اللبناني مع إنو كلنا لبنانية عايشين تحت نفس السما لي مساحتا ١٠٤٥٢ كلم ونفس الجلده واللون والدم والشبه بس مش نفس الدين... إيه يلعن الدين لي بدو يعلي الحواجز بين البشر والناس. الله يعطيك العافية أستاذ جورج يا مبدع من بلادي إنت مسلم إنت مسيحي وعلماني وإنت لبناني بالأخير فيك منفتخر وما منقول هدا كذا منقول عبقري من لبنان، نصيحة مني ما تحلق دقنك لأنو كتير بتلبقلك.
اول شي عرفته عن لبنان هو صورة وصوت ♥️ صورة جورج خباز وكارين رزق الله وصوت نجوى كرم 3اسماء عبارة عن معجم لبناني غني بالتفاصيل الاجتماعية اليومية للحياة في لبنان أنا مو لبنانية بس صرت حافظة كل تفاصيلكم وعاداتكم وتقاليدكم ومشاكلكم ومناطقكم وطريقة تفكيركم وماضيكم وحاضركم و وجعكم ومطالبكم حتى سياستكم من هل 3 اسماء
فعلا اعطي خبزك للخباز ولو اكل نصوووو كيف إذا كان الخباز جورج خباز بصراحة كنت مفكر مسرحيات جورج خباز تعتمد على الجنس متل الباقين يعني يللي بدو يأخذ العيلة لمشاهدة المسرح جورج خباز المسرح النظيف المحترم الهادف
كان في رفيقة ل ماما ضلت صحبتون 17سنة طبعاً ماما سنية ورقيقتا شيعية بس رفيقتا مابتعرف وبعد 17سنة عرفت انو ماما سنية وكبت 17سنة صداقة وعشرة بس لأنو ما قالتلا انو هي سنية للأسف هاد واقعنا وهيك عايشين وهيك اذ نحنا هيك كيف رح يطلع الجيل يلي جاي نحنا ماخلقنا منكره ولا منعرف نكره نحنا تعلمنا نكره او علمونا نكره هيدا لأنو منو من دينك ما تحكي معو منو من جنسيتك لونو غير لونك هاد واقع ومارح يتغير ألا اذا ربينا ولادنا صح
فنان ومبدع وبينعشق تفاصيل مسرحياتو بس الوجع ليش مامنتقبل بعض ليش وقت تنين بحبو بعض من غير اديان بتلاقي الدنياوكلها وقف ضدون وهنن بين بعض مابطيقو بعض لك الاخ مابحب اخوه الجار بيطعن بجارو ووقت بتصير هيك قصص فجأة بتصير المحبة شغالة ونحنا بدنا مصلحتك انا برأيي اذا تنين بحبو بعض جد يتركو الكل ويكملو سوا لأن هيك هيك العيل مقسمة والدنيا فارغة بس بدها قوة قلب وحب صادق
جورج خباز يا رجل المسرح، يا صاحب الرقي والفن الهادف والذوق الرفيع، شو تعلمت بهالثلاث سنوات من افكارك واعمالك، الكثير والكثير ثم الكثير، انا كفيف ما بعرف شكل جورج خباز، بس يكفيني فخرا بان اعرف مين هو رجل المسرح، بلا مبالغة تقريبا شبه لقد ترسخ بذهني الحوار الكامل لاغلب مسرحياتك، بالكواليس، مش مختلفين، على طريق، البروفيسور، كذاب كبير، الا اذا، وراء الباب، ناطرينو، هلق وقتى، شو القضية، مع الوقت ممكن، من كثر مشاهدة هل اعمال، تحديدا حفظت كل حوارات شخصياتهم، ولما برجع بشاهد هالمسرحيات من جديد، كان اشاهدهم للمرة الاولى، مثل ما قلت سابقا انا كفيف، ما بعرف شو بكون على خشبة المسرح، شو الالوان، الديكور ،المقاعد، اللباس النظرات، وكيف اتجاهكم نحو بعض، ولكن كل عمل عندما اشاهده للمرة الاولى، اتخيل الديكور من خلال حواراتكم وصوت خطواتكم على الخشبة، وعلى هذا الاساس اتخيل ذات الديكور بكل مرة اشاهد بها العمل، تحدثت عن آل الرحباني كيف كنت تشاهد وتسمع اعمالهم بالمراهقة وبالشباب، واعمالهم رافقتك خلال حياتك، وانا ساتحدث على كبر، ساتحدث بكل فخر عن وبان كنت على زمن الخباز رجل المسرح، وساتحدث ايضا بفخر بانني كنت المستمع الشغوف لاجمل ما قدم بالفن العربي، اسمح لي اقتبس مقولة من مسرحية بالكواليس، لاختم بها رسالتي الخجولة، المقولة تقول، نحنُ وهم، نبدأ فكرةً وَننتَهي ذِكرى، وما بَين فِكرة وَذِكرى، وهم .. :