"ඝාතකයා...
සූසැට දහසක් ජීවිත බිළිගත් ඝාතකයා
ලෝහිත ගඟුලේ පිහිනා සැනහුණු පාලකයා
කවුරුද කියාදියන් ලංකා ඉතිහාසේ
සඟ වෙද ගුරු ගොවි කම්කරුවන්
නීතිවේදයන් ලේඛකයන්
එඩිතර අංකුර නායකයන්
දරු දැරියන් නව යෞවනයන්
බිළිගත් ඝාතකයා
කවුරුද කියාදියන් ලංකා ඉතිහාසේ
කුංචනාද කළ මහ ගිජිදුන්
සිංහනාද පෑ සිහ රජිඳුන්
කොඳුඇට පෙළ බිඳ මානවකම් මැඩ
හීලා කරගත් නායකයා
කවුරුද කියා දියන් ලංකා ඉතිහාසේ
එකම ඇසින් දකිමින් බලි බිලි - සැණකෙළි
එකම අතින් ගනිමින් පුදපෙත් - ගිනිඅවි
එකම මුවින් කියමින් සෙත්කවි - වස්කවි
ඇස් බැන්දුම් කළ ඉන්ද්ර ජාලිකයා
කවුරුද කියා දියන් ලංකා ඉතිහාසේ"
පද රචනය :- මහාචාර්ය සුනිල් ආරියරත්න
තනුව සහ සංගීතය :- විශාරද ගුණදාස කපුගේ
ගායනය :- අචාර්ය නන්දා මාලනි සහ විශාරද ගුණදාස කපුගේ
18 сен 2024