Gi-FORCE演唱會|炎明熹首次個唱盛大舉行 梁詠琪任嘉賓合唱大讚表現
出道兩年嘅 Gigi炎明熹 首次個人演唱會星期六晚正式展開序幕,雖然喺風暴小犬逼近香港之下3號強風訊號生效,不過仍然無阻大班Gi炎粉嘅熱情應援,由外圍嘅免費派發雪糕,到場館內嘅各式佈置,加上唔少父母同子女一齊支持,就可以知道Gigi嘅受歡迎程度喇。
Gigi雖然入行時間唔長,不過一直就受到唔少圈中長輩嘅嘉許支持,呢晚一班前輩就紛紛送上花籃打氣喇。而《聲夢》嘅一班好朋友仲 周吉佩 亦都親臨現場,Gigi嘅家人就梗係總動員到場打氣啦,見證住由王佳恩變成炎明熹嘅家人,就話全家人都會出盡全力支持呀。
Gigi表演一開場,就身穿波浪形短裙,由巨形星球當中唱出出道作《真話的清高》登場,之後除去矚目嘅閃燈外殼再為觀眾唱出《焰》。
呢晚嘅嘉賓由另一位「Gigi」 梁詠琪 擔任,炎Gigi仲為梁Gigi準備印有英文名字樣嘅圍裙作謝禮,而早喺《聲生不息》節目獻唱過對方作品《我鍾意》之後,呢晚就梗係有大小Gigi同場再次為大家表演啦。
而梁詠琪對炎明熹只得18歲就有咁好表現仲可以展開個唱,覺得非常羨慕之餘,仲大讚呢位小妹妹歌聲一流,更非常值得大家支持咁話。
呢晚嘅表演當中,Gigi亦一度表現得非常感觸仲台上灑淚,雖然年紀尚輕,但係佢就對成長嘅經歷有一番體會,又希望呢個過程當中唔會喪失自我呀。而完場後唔少觀眾都對呢場表演非常滿意,仲話覺得意猶未盡呀。
#Gigi #炎明熹 #GiFORCE #演唱會 #處女個唱 #真話的清高 #焰 #梁詠琪 #我鍾意
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
4 окт 2024