أهلا بيك وشكرا على تعليقك جوجل بتعتمد على منصة كورسيرا في منح وإعتماد الشهادات بعد أما بتخلص أي مسار تدريبي. لكن مش بتصدر الشهادات بنفسها. وطريقة الحصول على الشهادة مختلفة عن الطريقة التقليدية، المسار التدريبي ينقسم إلى مجموعة من الكورسات، وكل كورس منهم ينقسم إلى مجموعة من الأسابيع التدريبية، وفي نهاية كل أسبوع تدريبي فيه إمتحان لازم تحصل فيه على نسبة 80 % أو أكتر علشان تنجح وتبدأ الأسبوع اللي بعده، وهكذا لحد أما تخلص كل الكورسات. وفي النهاية وبما إنك إجتزت جميع الإمتحانات الخاصة بجميع الأسابيع بنجاح بتحصل على شهادة المسار التدريبي من كورسيرا ولكنها معتمدة من جوجل. فطريقة التقييم في المسار التدريبي بتتم بشكل أسبوعي والتقدير النهائي تراكمي بيتحسب بمتوسط درجاتك في الإمتحانات الأسبوعية. أتمنى أكون قدرت أجاوب على سؤالك. تحياتي
ليس هناك مشكلة ما دام لديك بطاقة هوية وطنية أو جواز سفر يخول لك إنشاء حساب بنكي لتلبي احتياجات الشركات، أما العمر فليس مشكلة، صديقي يعمل بشركة لإنشاء مواقع الويب وهو لم يبلغ 16 بعد، لكن تأكد من اعتماد الشهادات ألف مرة قبل البدء بأي كورس على الأنترنت، ونصيحة مني، لا تأخذ دورات باللغة العربية، خذها بالانجليزية لأنها معتمدة أكثر في الدول الأخرى أما العربية فليست معتمدة إلا في قدر صغير من الشركات
شكرا جزيلا على المجهود و على المعلومات ان شاء الله في ميزان حسناتك، حدثنا عن عملك هل تعمل اونلاين و هل يمكن الدخول إلى دورة علم البيانات بدون خبرة مسبقة
أهلا بيك أنا أعمل كمدير مشروعات تقنية أما دورة تحليل وعلوم البيانات فلا تحتاج خبرة مسبقة، وتمكنك بعد الحصول على شهادتها من العمل أون لاين، بشرط اتقان المهارات التي ستدرسها في الشهادة
السلام عليكم شكرا للتوضيح بس معلش عندي سؤالين .. اول سؤال هو ازاي اقدر اقدم علي طلب الشهاده مجاني والاعفاء من المصروفات؟ السؤال التاني ازاي اقدر اتواصل مع حد لو وقفت حاجه معايا؟ بس يكون التواصل وقتي يعني مش اكتب سؤال واستني الرد وكده؟ شكرا مقدما
أهلا بيك المشكلة دي ممكن يكون ليها أسباب كتير، وممكن جزء منها يكون بسبب مشكلة في المتصفح عندك الأول جرب تغير المتصفح واستخدم متصفح تاني، بمعنى انك لو بتستخدم كروم مثلا جرب تستخدم فايرفوكس. لو لازالت المشكلة مستمرة جرب تتواصل مع الدعم الفني الخاص بمنصة كورسيرا، اشرح لهم المشكلة بالتفصيل وهما هيساعدوك تحلها ان شاء الله، تقدر تتواصل معاهم عن طريق الرابط التالي www.coursera.support/s/learner-help-center بالتوفيق ان شاء الله
لو سمحت انا قدمت عالمنحة مجاناً وجتلي بس عدت ٦ شهور ومخلصتوش لسا ومن ساعتها بقي يظهرلي اني لازم ادفع 39$ لما اضغط submit بعد اي امتحان حتى بتاع نهاية الاسبوع في اي كورس ، فلو ده بسبب اني تجاوزت ال ٦ شهور فهل ينفع اقدم على المنحة مجاناً تاني ولا واعمل اي ؟ وجربت معملش submit لاي امتحان واسيب الوقت يخلص ساعتها بيطلعلي النتيجة عادي وينقلني على الي بعده فبكده ينفع اكمل الكورسات كلها بنفس الطريقة وفي الاخر ادفع عشان اخد الشهادة ولا لازم ادفع شهري
السلام عليكم ورحمة الله تعالى وبركاته أخي تحياتي لك يوسف من الجزائر بارك الله فيك وجزاك الله خيرا على المعلومات القيمة والمفيدة واصل ابداعك رانا معاك تحياتي لك
لو سمحت الشهادات ٥ اللي اتكلمت عنهم حضرتك في كورس واحد وبشهادة واحده اللي هي النهائيه ولا كل شهادة من الخمس كورسات ليها شهاده بالنسبه للعمل في الشركات بتبقا اون لاين والمنصه بتساعدني ولا انا بقدم علي الشغل بنفسي ولو عاوز أتوظف في جوجل أو أبل أو تيسلا تنصحني بأي كورس من الخمسه بالنسبه للشهاده بستلمها ازاي وبتحتاج للإجراءات علشان استلمها وشكرا واسف لو طولت علي حضرتك
أهلا بيك انا اتكلمت في الحلقة عن خمس مسارات تدريبية مختلفة كل مسار تدريبي ليه شهادة نهائية خاصة بيه مختلفة عن باقي المسارات التدريبية بعض المسارات التدريبية فرصها في العمل أون لاين أكبر من الباقي، بعض المسارات التدريبية تصلح أكتر للعمل المكتبي في شركة أفضل مسارات للعمل أون لاين هي مسار تحليل البيانات، مسار تصميم تجربة المستخدم، مسار لغة البايثون المنصة بتساعدك انك تلاقي شغل عن طريق منصتها للتوظيف ممكن تلاقي عليها فرص عمل مناسبة ليك بعد أما تخلص، وممكن انت تدور بنفسك أكتر مجالات ممكن تساعدك تشتغل في الشركات اللي انت ذكرتها هي مجالات البايثون وتحليل البيانات وتصميم تجربة المستخدم، وممكن مجال إدارة المشروعات بس ده مجال محتاج خبرة عملية مش بس دراسة الشهادة بتكون أون لاين مش بتاخد شهادة مطبوعة، بس شرط الحصول على الشهادة بعد إنهاء المسار التدريبي هو وجود إثبات شخصية مذكور فيه إسمك الكامل باللغة الإنجليزية، زي جواز السفر مثلا بالتوفيق ان شاء الله
السلام عليكم شكرا على الفيديو كنت عايزة اسأل ازاي اقدر اغير اسم الشهادة انا خلصت اول كورس تبع data analytics و صورت البطاقة لتأكيد الحساب و اسمي اتكتب بالعربي زي ما مكتوب في البطاقه، هل في طريقه اني اغيره عشان يكون بالانجليزي؟
وعليكم السلام ورحمة الله وبركاته بتقدري تغيري إسمك عن طريق تقديم طلب لمنصة كورسيرا نفسها وهما بيراجعوه وبيوافقوا عليه بعدها.. لازم بس تقدمي إثبات شخصية يكون مكتوب إسمك فيه بالإنجليزي.. زي جواز السفر مثلا أو رخصة القيادة تقدري تتبعي التعليمات علشان تقدمي الطلب من الرابط التالي www.coursera.support/s/article/208280166-Verify-your-name?
بصراحة حاول التواصل مع فريق الدعم الخاص بكورسيرا لتغير اسم الشهادة عن طريق جواز سفر بالانجليزي بدل بطاقة هوية عربية، أو قم بإنشاء حساب ثاني إذا لم تجد أي حل مع فريق الدعم وقم بتمرير الدروس بسرعة وقم هذه المرة بالتقديم على الشهادة مع جواز سفر به الاسم بالانجليزية، لكن أتصور أن فريق الدعم الخاص بكورسيرا قد يتفهم الوضع ويساعدك
أهلا بيكي على حسب نوع المسار التدريبي.. عموما المحاضرات والمادة العلمية سواء ملفات بي دي اف او حلقات فيديو تقدري تشوفيها من الموبايل عادي.. بتحتاجي جهاز كمبيوتر للتطبيق العملي او لتنفيذ المشروعات او حل الامتحانات المطلوبة منك.. ودي بتختلف باختلاف المسار
تقدر تشوف الجزء الثاني من الحلقة اللي بيتكلم عن شهادة جوجل (مطور تطبيقات الأندرويد المعتمد من جوجل) من هنا ru-vid.com/video/%D0%B2%D0%B8%D0%B4%D0%B5%D0%BE-hgUqlUBN9DI.html
وعليكم السلام ورحمة الله وبركاته حاليا يتوفر مجال الدعم التقني (أول برنامج تدريبي) باللغة العربية، أما باقي البرامج التدريبية متاحة فقط بالانجليزية. لكن من الممكن أن تقوم جوجل في المستقبل بتوفير باقي البرامج التدريبية باللغة العربية الا ان جوجل لم تقم بتأكيد هذا الأمر بعد..
مجال تكنولوجيا المعلومات ينقسم لمجاليين فرعيين مجال الدعم التقني أو IT Support وهو المجال الوحيد المتاح بالعربية والمجال الفرعي الثاني وهو IT Automation with Python وهو كباقي المجالات متاح بالانجليزية فقط
اي الشهادة اللي تناسبني بعد اذنك اداب لغة عربية.........تاني حاجة ماهو الدعم المالي يعني مندفعش فلوس نهائي وناخد الشهادة ف الاخر..........تالت حاجة هل حضرتك اشتغل بالشهادة دي
أهلا بيك الشهادات على إختلاف أنواعها بتدرس فيها مواضيع متعلقة بالمجالات التقنية.. دراستك الجامعية مش هتفرق في إختيارك لأي مجال منهم.. أنصحك تزور موقع كورسيرا وتقرا نبذة مختصة عن كل مجال وتختار المناسب ليك أكتر وبخصوص سؤالك التاني.. الدعم المادي هو إنك تدرس المسار التدريبي وتاخدي الشهادة ومتدفعش فلوس.. بس لازم تقدم طلب وكورسيرا توافق عليك زي ما وضحت في الحلقة وبخصوص سؤالك الثالث.. انا كنت شغال وانا بدرس الشهادة لكن الشهادة ساعدتني بعدها في شغلي
طيب جميل اوي انا الوقتي قدمت على كورس و عملت فايننشال اييد وجالي وكله تمام وبدات اخلص فكورس والتاني لاكن مش بيسمحلي اني اشارك في اي اسساينمنت وبيقولي Start free trial ? اعمل ايه ؟
أهلا بيك شهادة جوجل تعادل شهادة جامعية من ناحية القبول بسوق العمل والتأهل للعمل في المجال اللي انت درسته لكنها أكاديميا لا تساوي شهادة جامعية بالمعنى التقليدي.. بمعنى إنك متقدرش تعتمد عليها في إنك تحضر ماجيستير.. عموما الطريق للدراسات العليا اصبح مفتوح حاليا بفضل الجامعات اللي بتوفر برامج دراسية أون لاين ومنها ما لا يشترط الحصول على شهادة جامعية بشرط إجتياز بعض الشروط والاختبارات
أهلا بيك كل المحاضرات موجود النص الكتابي الخاص بيها على موقع كورسيرا بالإنجليزي تقدر تحمله وتترجمه بإستخدام أي خدمة ترجمة وتقراه بالعربي هتفهم مضمون المحاضرة بشكل اكبر بعد كدة تقدر تتفرج على المحاضرة بالإنجليزي وهتلاقي نفسك فاهم تقريبا كل اللي بيتقال لإنك بقيت عارف مضمون المحاضرة كويس ومع الوقت والمحاولة إن شاء الله الإنجليزي عندك هيتحسن ومش هتحتاج حتى تترجم المحاضرات بالتوفيق إن شاء الله
شكرا على الفيديو والمعلومات اللي فيه عندي سؤال يمكن غريب شوية بس ياريت تجاوبني لو تعرف له إجابة هل مصر تعترف بالشهادة دي كمؤهل دراسي؟ بمعنى هل ممكن تثبت في البطاقة الشخصية حاصل على دبلومة إدارة مشروعات مثلا؟
أهلا بيك التخصصات المتاحة في شهادات جوجل المهنية مطلوبة في كل أسواق العمل وفي كل الدول، كل الشركات بتحتاج متخصصين في الدعم التقني وتصميم تجربة المستخدم وادارة المشروعات وتحليل البيانات لو ذاكرت واجتهدت وعملت اللي عليك وتميزت في المجال واثبتت انك بتمتلك المهارات اللازمة للعمل هتلاقي شغل بإذن الله.
السلام عليكم جهد مشكور وربنا يجازيك خير انا درست التسويق الرقمي في المنحه بتاعت udacity وعاوز اطور من نفسي اكتر ترشحلي اي كورس من الكورسات بتاعت جوجل انا محتار بين ux و project management
وعليكم السلام ورحمة الله وبركاته.. أهلا بيك مجال ادارة المشروعات من المجالات اللي محتاجة خبرة عملية مش بس علمية، لانها بتؤهلك لوظيفة مدير مشروع أو منسق مشروع وبتبقى مسئول عن ادارة فريق كامل.. فلو كانت عندك الخبرة المطلوبة فهو مجال ممتاز طبعا، أما في حالة عدم توافر الخبرة فمجال تصميم تجربة المستخدم مناسب جدا خصوصا بما انك درست التسويق الرقمي، لانه متوافق جدا معاه وبينهم مفاهيم كتير مشتركة بالتوفيق ان شاء الله
اهلا بحضرتك، حابب اشكر حضرتك علي المحتوي القيم والمنظم، كنت حابب اسال حضرتك اكتر عن، ادارة المشروعات محتواه، وانا ضعيف في اللغه الانجليزيه، ازاي اتعامل مع شرح كله بالانجليزي هل اترجم المقال ارجو التوضيح وشكرا
أهلا بيك وشكرا على تعليقك محتوى إدارة المشروعات محتوى ممتاز، الشرح واضح ومبسط والتاسكات شاملة كل حاجة انت اتعلمتها وبالتالي مش هتنسى اللي انت اتعلمته. المنهج مدعوم من مؤسسة إدارة المشروعات العالمية Project Management Institute وتقدر بعد اما بتاخد شهادة جوجل تقدم على امتحان الـ PMP وتاخد الشهادة. اللغة الانجليزية في المحاضرات مش صعبة، وممكن من خلال موقع كورسيرا تحمل نص المحاضرة كملف وتترجمه بإستخدام أي برنامج ترجمة وتذاكره وبعد كدة ترجع تشوف المحاضرة مرة تانية علشان تثبت المعلومات بس نصيحتي ليك، اشتغل على الانجليزي عندك على قد ما تقدر، خصص وقت يومي للموضوع ده، هيفيدك جدا في تعلم اي حاجة عايز تتعلمها. بالتوفيق ان شاء الله
@@GeekInfoTV هل شهادة جوجل في ادارة المشروعات، كويسه لاي حد عايز يبدا في مجال ادارة الاعمال بشكل عام، ولا في اختلاف ارجو التوضيح بشكل مفصل وشكرا لحضرتك
ادارة المشروعات مختلفة عن ادارة الاعمال، في ادارة المشروعات بتركز على ادارة الموارد وادارة فريق العمل. أما ادارة الأعمال بتركز اكتر على التعامل مع متغيرات السوق والمشتريات والمبيعات. العامل المشترك ما بينهم هو دراسة بعض مبادئ الادارة المشتركة. لكن لو هدفك الأساسي هو ادارة الاعمال انصحك تدرس ماجيستير ادارة الأعمال أو MBA
حياك الله اخي انا سجلت في احد كورسات كوكل وقدمت على الدعم المالي وخلال فترة الرد انا دخلت الكورس وصلت للنشاط وماقدر اشاركو لان لسا ما وافقو على الدعم المالي شو اعمل انتظر ؟
أهلا بيك حاول تتواصل مع كورسيرا تتابع طلبك وصل لفين، لكن اتأكد الاول انك ماوصلكش أي ايميلات من كورسيرا وراجع ال Spam or junk folder وممكن تواصل مشاهدة المحاضرات لو متاح ليك ولما تجيلك الموافقة شارك في الأنشطة بالترتيب
أهلا بيك برامج جوجل التدريبية مش منحة مجانية، كل برنامج بيكلفك اشتراك 50 دولار في الشهر على منصة كورسيرا، معنى كدة انك لو خلصت البرنامج التدريبي في 6 شهور تكلفته هتكون 300 دولار بس زي ما وضحت في الفيديو، تقدر تقدم على طلب دعم مادي بإنك تدرس الشهادة مجانا وجوجل وكورسيرا بينظروا في طلبك وبيردوا عليه فلو انت قررت تاخد البرنامج التدريبي على حسابك وتدفع الرسوم، تقدر تدرس أكتر من مسار مع بعض بدون قيود. لكن لو قررت تقدم على طلب دعم مادي ماظنش إنك هتجيلك موافقة على أكتر من مسار في نفس الوقت بس انا نصيحتي الشخصية انك تركز في مسار معين، ولما تخلصه وتاخد الشهادة الخاصة بيه ابدأ في غيره. علشان تحقق اقصى استفادة ممكنة من كل مسار من غير تشتت. وبالتوفيق إن شاء الله
أهلا بيك شهادات جوجل هي شهادات رسمية، وبالتالي كورسيرا بيحتاج يتحقق من هويتك ويتأكد من مطابقة الإسم اللي هيتكتب على الشهادة لإسمك الحقيقي من خلال أوراقك الشخصية علشان تكمل الخطوة دي، سجل دخولك على موقع كورسيرا. وبعد كدة إفتح القائمة من السهم اللي جنب صورتك فوق على اليمين واختار Settings من الصفحة اللي هتفتح لك هتلاقي قسم خاص بالـ ID Verification اتبع التعليمات اللي هتظهرلك على الشاشة لحد اما تتم العملية بنجاح يفضل إنك تستخدم جواز السفر في التحقق من هويتك لإنه بيحتوي على إسمك مكتوب باللغة الإنجليزية. ولو مش معاك جواز سفر ممكن تجرب برخصة القيادة لإن إسمك فيها مكتوب بالإنجليزي ولو مش معاك رخصة قيادة ممكن تجرب بالبطاقة الشخصية وإن كنت غير متأكد إن كورسيرا هيقبلها. بس جرب مش هتخسر حاجة. بالتوفيق إن شاء الله
مفيش أي مشكلة لو خلصتي الكورس في مدة أطول من 6 شهور. وإن كان بناءا على تجربتي الشخصية 6 شهور وقت كافي جدا إنك تخلصي الشهادة لو بتذاكري ساعتين في اليوم وخمس ايام بس في الأسبوع لكن على أي حال.جوجل بتتعامل مع الموضوع بشكل مرن جدا.. يعني تقدري تخلصي الكورس في أقل من 6 شهور أو أكتر من 6 شهور من غير أي مشاكل. المشكلة الوحيدة لو خدتي وقت طويل جدا في الكورس إنك ممكن تنسي اللي درستيه في الأول. فحاولي تراجعي أول بأول علشان تستفيدي من الكورسات أقصى إستفادة ممكنة.
اهلا بيكي بنهاية كل كورس من الكورسات المتاحة بالمسار التدريبي وبافتراض انك خلصتي كل الامتحانات الاسبوعية المتاحة بنهاية محاضرات كل اسبوع.. المفروض إن الشهادة بتكون متاحة للتحميل مباشرة من موقع كورسيرا نفسه وبمجرد ما بتخلصي كل الكورسات بتظهر عندك الشهادة النهائية من جوجل
أنا عاوز أشكرك جدا على الفيديو ده حقيقي معلومات قيمه وفي الصميم بدون تطويل ممل أو اختصار مخل ... عاوز اقلك اني شوفته بعد ما كنت قدمت فعلا على شهادة جووجل Technical Support Fundamentals وال financial aid. اللي الحمد لله تعالى اتوافق عليها فعلا بعد 10 ايام .. تاني مرة شكرا جزيلا وبارك الله فيك
أهلا بيك أشكرك جدا على تعليقك الكريم. وأتمنى تكون حلقاتنا دايما عند حسن ظنك أتمنى لك التوفيق في مسارك الجديد وان شاء الله تستفيد منه. ولما تخلص وتاخد الشهادة عرفنا علشان نبارك لك
أهلا بيك ممكن تنزل النص الخاص بكل محاضرة من موقع كورسيرا وتترجمه على اي منصة ترجمة وتذاكره وبعد كدة ترجع تشوف المحاضرة هتلاقي نفسك فاهم اللي بيتقال كويس وممكن بردو تختار مسار أساسيات الدعم الفني، وهو المسار الوحيد اللي جوجل حاليا بتوفره باللغة العربية www.coursera.org/learn/technical-support-fundamentals-ar وخليك متابع منصة كورسيرا أول بأول لإن باقي المسارات ممكن تتوفر باللغة العربية قريبا. وانا هنا من خلال القناة هعلن عن التحديثات الجديدة أول بأول بالتوفيق ان شاء الله
جوجل حاليا مش بتوفر برامج تدريبية خاصة بتطوير او تصميم الويب لكن في برنامج تاني مميز جدا نفذته وزارة الاتصالات بالتعاون مع منصة Udacity العالمية بيغطي المجال ده. هنتكلم عنه في حلقتنا القادمة ان شاء الله بالتفصيل
اهلا بيك انا خصصت حلقة مستقلة لشهادة جوجل الخاصة بأندرويد تقدر تشوفها من هنا: ru-vid.com/video/%D0%B2%D0%B8%D0%B4%D0%B5%D0%BE-hgUqlUBN9DI.html وبخصوص السن فهو عمره ما كان عائق للتعلم او انك تلاقي فرص عمل مناسبة. اجتهد وتعلم وتوكل على الله
أشكرك الشهادات تحتاج لمعرفة بأساسيات اللغة الانجليزية حتى تتمكن من فهم المادة العلمية بالمحاضرات، الا ان المسار الاول الخاص بالدعم التقني متاح حاليا باللغة العربية وقد تتاح باقي المسارات بالعربية في المستقبل
أهلا بيك الوظائف والأجر بتختلف باختلاف المسار التدريبي اللي انت بتختاره من المسارات التدريبية اللي بتوفرها جوجل ولو محتاج شغلك يكون اون لاين يكون افضل تختار مسار من المسارات التالية 04:37 الشهادة الثانية: أتمتة الأنظمة بإستخدام لغة بايثون | Second Certificate: IT Automation with Python Certificate 05:43 الشهادة الثالثة: تحليل البيانات | Third Certificate: Data Analytics Certificate 07:47 الشهادة الخامسة: تصميم تجربة المستخدم | Fifth Certificate: UX Design Certificate دي المسارات المتاحة من جوجل اللي ممكن بعدها تلاقي شغل أون لاين وتشتغل بشكل مستقل وبالتوفيق ان شاء الله
أهلا بيك الشهادات على اختلاف انواعها مش من متطلبات التقديم في مسارات جوجل الجديدة.. لو حضرت الكورس هتلاقي ان معظم المحاضرين أصلا شغالين في جوجل ومش معاهم شهادات جامعية الجدير بالذكر ان الكورس نفسه مش مجاني.. لكنك زي مانا وضحت في الحلقة بتقدر تقدم على برنامج الدعم وبالتالي بتقدر تاخد الكورس مجانا
أهلا بيك المسار الأول وهو مسار الدعم التقني كجزء من تكنولوجيا المعلومات هو المسار الوحيد المتاح باللغة العربية، تقدر توصله من هنا www.coursera.org/learn/technical-support-fundamentals-ar أما باقي المسارات متاحة بس بالانجليزي، موجود فيها ترجمة نصية لكن الترجمة مكتوبة بردو بالانجليزي
٦ شهور هي المدة المقترحة والموصى بيها من جوجل لانهاء المسار التدريبي.. على اعتبار انك بتذاكر ١٠ ساعات أسبوعيا. لكن انت تقدر لو ذاكرت اكتر تخلص في فترة أقل من ٦ شهور، أو لو عندك ظروف وذاكرت بشكل أبطئ تقدر تخلص في وقت أطول، خليك عارف ان وجودك في الكورس هيكلفك ٥٠ دولار شهريا - الا لو قدمت على طلب دعم - فلو خلصت أسرع هتوفر فلوس تاني سؤال، مش كل المسارات هتساعدك تلاقي شغل أون لاين. أفضل مسارات للعمل الحر هي المسار الثاني الخاص بلغة البايثون، المسار الثالث الخاص بتحليل البيانات، والمسار الخامس الخاص بتجربة المستخدم بالتوفيق ان شاء الله
Thanks for your kind words. And the answer depends on what you are looking for in a new course. If you wish to have the ability to work part-time as a freelancer, you can join the Python course , the Data Analysis course, or the UX design course. And if you want to shift your full-time career, you can take the IT course, the Python Course, the Data Analysis course, the UX design course. Finally, if you want to keep your current career as a teacher but learn something to help you plan better, you can join the project management course.
@@GeekInfoTV Very kind of you to answer me, sp that I am a big fan of Egypt and Egyptians, and to give me from your precious time. I am speaking about teaching training programs, like the Celta ifyou have any idea about it. Something that will sharpen my teaching tools. Thank you so much.
@@hananeoumami3083 Thank you for your kind words, In your case, I believe that (Google for Education) training center will be better than any of these courses, you can check it from this link: edu.google.com/intl/en_ALL/teacher-center/training/?modal_active=none
للأسف بطاقة الرقم القومي المصري مفيهاش اسمك بالانجليزي، حاول تقدم جواز سفر ساري او رخصة قيادة خاصة صورتك فيها واضحة، لان اسمك الانجليزي مكتوب فيهم لو مش معاك يبقى تواصل مع الدعم الفني الخاص بكورسيرا واشرحلهم الموقف ممكن يكون عندهم حلول بديلة للمصريين
الله يعطيك العافيه معلومات من ذهب. لكن عندي سوال، انا اخترت دورة تحليل البيانات بس المشكلة انه لغة التدريس انجلزية، انا مستواي باللغة الإنجليزية متوسط إلى فوق المتوسط، ف ممكن تعطيني نصحية من خلال خبرتك كيف الدرس الدورة بأفضل طريقة؟
أهلا بيك وشكرا على تعليقك الكريم في كل محاضرة على كورسيرا هتلاقي خيار انك تحمل نص المحاضرة كملف نصي Text تقدر تاخده وتترجمه باستخدام أي موقع ترجمه، واقراه بتركيز اكتر من مرة بعد كدة ارجع شوف المحاضرة بتركيز هتلاقي نفسك فاهم المحاضر نفسه بشكل أفضل. ومع الوقت هتلاقي نفسك بتتقدم وتفهم المحاضرات كلها من غير مشاكل بالتوفيق ان شاء الله
أهلا بيك وشكرا لإهتمامك بالتعليق حاول مرة تانية واتأكد ان كل التفاصيل اللي انت بتكتبها مظبوطة. لو اتأكدت يبقى تواصل مع الدعم الفني لمنصة كورسيرا وإسألهم عن السبب. أحد أصدقائي المقربين حصل على الشهادة عن طريق الدعم المالي، وحتى لو طلبك لم يتم قبوله لازم كورسيرا ترد عليك ماينفعش يسيبوك من غير رد. حاول مرة تانية وإن شاء الله المرة دي تتقبل