Bilang selebrasyon ng ika-66 na taong pagdiriwang ng National Medicine Week, nagsagawa ang Cavite Medical Society katuwang ang Bacoor City Health Office ng Grand Medical Mission kung saan nasa 1,633 na mga Bacooreño ang nakatanggap ng iba’t-ibang serbisyong pangkalusugan. Ang programa na ito na may temang “Pilipinong Mamamayan Ating Alagaan”, ay ginanap noong September 27, 2023, sa Bacoor Strike Gymnasium.
Sa pamamagitan nito, nabigyan ng oportunidad ang mga residente ng Bacoor, lalo na ang mga senior citizen, bata, at iba pang sektor ng lipunan, na sumailalim sa libreng konsultasyong medikal, bakuna, minor surgery, dental care, iba’t-ibang uri ng screening, at marami pang iba na siguradong makakatulong sa kanilang kalusugan.
Buo naman ang suporta na ipinakita nina Mayor Strike B. Revilla, Vice Mayor Rowena Bautista Mendiola, Sangguniang Panlungsod Members, at CHO Head Dr. Ivy Marie Yrastorza sa programa na ito.
Lubos namang pinasasalamatan ng Pamahalaang Lungsod ng Bacoor ang Philippine Medical Association Cavite sa pangunguna ni President Dr. Anna Lou Diaz at ang kanyang mga opisyal sa pakikibahagi sa ginanap na selebrasyon, gayundin sa mga naging katuwang upang maging matagumpay ito.
City Health Office Bacoor
GentriMed Medical Center
Cavite East Asia Medical Center
Camber Pharmaceuticals
Unilab Inc.
Torrent Pharmaceuticals
Philippine Red Cross Cavite Chapter
De LaSalle University Medical Center
City Health Office Cavite City
Rotary Club - Cavite East
Rotary Club - Hiyas ng Bacoor
New Smart Formulae Trading Corporation
Pharex
As We Strike As One, Dahil sa Bacoor at Home ka Dito!
8 окт 2023