Dit is twintig jaar later. Grotman en Elize is steeds gelukkig getroud ... of is hulle? Die kinders is tieners met hul eiesoortige uitdagings. Grotman het sy rookseine verruil vir WhatsApp-boodskappe, eposse, iPhones, Facebook, Twitter en aanlynkonserte. Die verskille tussen Mans en Vrouens is steeds daar, want mans is steeds van Mars en vrouens van Venus. Die skreeusnakse Wynand (Karate Kallie) van Vollenstee is te sien in die rol van Grotman 2, en Frans Swart het die teks geskryf en hanteer ook die regie. Groet die Grotman 2 is Lefra se Kelderkonsert op Sondag, 25 Julie 2021 om 17:00. Kaartjies kos slegs R180.00 per huishouding om die volle produksie in jou eie sitkamer te geniet. Let asseblief daarop dat Groet die Grotman 2 slegs op 25 Julie om 17:00 uitgesaai gaan word. So kykers het net een kans om Groet die Grotman 2 in die gemak van hul eie sitkamer te sien. Besprekings kan gedoen word by www.itickets.co.za. Die Lefra Kelderkonserte word aangebied met die trotse ondersteuning van RSG, Sounds Good, Hollywood Costumes, Van Loveren Wines, Renegades Removals, Ambassador Execudrive, Q2V Productions en Savvy Holdings.
23 июл 2021