Ha Jingdon Ryngkat Jong Me | Por Jong Ka Jingmane | As We Worship by Bob Fitts (Khasi) 

A Trai U Blei jong nga,
nga la kyang ha me,
me ruh me la pynkhiah ïa nga.
~Salm 40:2
Lada ki briew jong nga, ïa kiba la khot da ka kyrteng jong nga, kin pynrit ïa lade, bad kin duwai, bad kin wad ïa ka khmat jong nga, bad kin phai noh na ki lynti bymman jong ki; kumta te ngan sngew na bneng, bad ngan map ïa ki pop jong ki, bad ngan pynkhiah ïa ka ri jong ki.
~2 Khronikl 7:14
U shna ïa kiba la pait dohnud,
bad u spaiñ ïa ki jingmong jong ki.
~ Salm 147:3
Bad U Jisu u la leit kylleng ka Galilaïa baroh, u da hikai ha ki synagog jong ki, bad u da ïalap ïa ka gospel ka hima, u da pynkhiah de ïa ki jingpang baroh bad ïa ki jingkhrew baroh ruh ha ki briew. Te ka nam jong u ka la phriang ïa ka Syria baroh: bad ki la ïawallam ha u baroh kiba la pang, ïa kiba la ngat da ki bun jait ki jingpang bad ki jingkordit, bad ïa kiba shong ksuid, bad ïa ki bapang bhur, bad ïa ki bapang ïapshiliang de: te u la pynkhiah ïa ki.
~Mathaios 4:23-24
Dei tang U Jisu, U Trai halor baroh, U Nongpynim, U long Ka Lynti, Ka Jingshisha bad Ka Jingim, U Nongpynkhiah, U Nongpyllait.
*Song by Bob Fitts- As we Worship (in Khasi)
Lyric :
Ha Jingdon ryngkat jong Me Trai
Don Jingpynkhiah
Mynsiem Bakhuid jingktah jong Me
Ka iai tuid
Jisu, Trai ngi ngeit
Jisu, Jingpynkhiah ha kyrteng
Ko Kpa ba ha bneng
Ngi rah ki kti sha Me
Ngi pdiang ia ka bor
Jingpynkhiah Bajanai
Ka Burom, Ka Jingiaroh, Ka Jingmane baroh long tang sha’U Blei.
Long Ba la kyrkhu ia Ka Kyrteng jong U Trai.

Видеоклипы