HA KA BASUK NGA LEIT THIAH LEIT DEM
Ha ka basuk nga leit thiah leit dem
Shen nga ïohthiah ngai ngai
Namar ïa nga tang ma Me ko Trai
Me ai jingsuk lyngngai.
Sngap sngap isnei ïa nga
Ko Blei jong nga Blei ka hok
Ko Nongpyllait kiba dang shitom
To sngap isnei ïa nga.
Slem slem katno bynriew
Pyneh dohnud ïa jingstad
Balei phi ieid ïa ka bathala
Wad ïa ka bashukor?
Hynrei to tip b'u Trai
U ieid phylla la ki jong
U Trai Un sngew Un leh sbun ïa nga
Katba nga khot ïa U.
To wat leh pop da kyïuh
Ha la jingthiah puson jai
Pynlong ka hok la ka jingainguh
Bret ïalade sh'u Trai.
Ha ka basuk nga leit thiah leit dem
Shen nga ïohthiah ngai ngai
Namar ïa nga tang ma Me ko Trai
Me ai jingsuk lyngngai.
Bun kiba ong: Nangno
Ngin ïoh jingsuk bad jingkmen?
Pynshai arsut la ka khmat ha ngi
Ngin suk ngin kmen ko Trai.
H'u Kpa burom h'u Khun
Bad h'u mynsiem ruh kumjuh
Kumba la long naduh mynnyngkong
Kumta kan long khlem kut.
Ha ka basuk nga leit thiah leit dem
Shen nga ïohthiah ngai ngai
Namar ïa nga tang ma Me ko Trai
Me ai jingsuk lyngngai.
12 сен 2024
