Bakıda qızlar məktəbi açmaq istəyən Hacı Zeynalabdin Tağıyev də imperator III Aleksandrdan icazə istəsə də mənfi cavab alımışdr. II Nikolayın tacqoyma mərasimində Zaqafqaziya müsəlmanlarını təmsil edən Tağıyev çarın xanımı Aleksandra Fyodorovnaya çox bahalı hədiyyə bağışlamış və Bakıda onun adına qız məktəbinin açılmasını xahiş etmişdir. Hacı Zeynalabdin məktəbin açılması üçün 1896-cı ildə şifahi, 2 il sonra isə rəsmi razılıq almış, məktəb binası üçün müvafiq yer seçməyə başlamışdır. Daxildə bəzi qüvvələr Hacının məktəb açmasına mane olmağa çalışırdılar. Tağıyev Məkkəyə, Mədinəyə, İrana, İstanbula və digər yerlərə nümayəndələr göndərir. Göndərilən şəxslər rəsmi din xadimlərindən imzalanmış və möhürlənmiş sənəd gətirirlər ki, Qurani-Kərimdə qız uşaqlarının təhsil almasında heç bir qadağa yoxdur, müsəlman qızları dünyəvi məktəblərdə təhsil ala bilərlər.
8 сен 2024
