Aydın Rza - İmam Hüseyn Məktəbi | 2022
Söz: Aslan Aşiq
Mus: Aydın Rza
Aranj: Vafa Abrishami
Operator: Fərid Həsənov
Rejissor: Pərviz Niyazoğlu
Mərsiyənin Sözləri👇
Bizlər Hüseyn məktəbin öyrənmişik,
Zalimə baş əyməmişik, əymərik!
Biz kişi tək cəngidə görsənmişik
Məzluma əl dəyməmişik, dəymərik!
Qalmayıb heç vaxt gözümüz arxada,
Yox elə bir şey ki, bizi qorxuda.
Bir qapımız var, o da Babəl-Xuda,
Başqa qapı döyməmişik, döymərik!
Cəfəriyik, məzhəbimiz bəllidir,
Mövqeyimiz, mənsəbimiz bəllidir.
Gizli deyil mətləbimiz, bəllidir,
Biz ki, riya geyməmişik, geymərik!
Haşimi nəslindən olan kəslərik,
Biz nə ədavət, nə də kin bəslərik.
Hər kim ola, doğru yola səslərik,
Nifrin edib söyməmişik, söymərik!
Qövmü Əli ibni Əbu Talibik,
Düşmənimiz çoxdu, fəqət qalibik.
Çünki Hüseyn məktəbinə sahibik,
Qeyrisini öyməmişik, öymərik!
Aslan, özün söylə müsəlmanlara,
Biz necəyik candan əziz canlara.
Yardım üçün üz tutan insanlara,
Qaşımızı düyməmişik, düymərik!
Bizlər Hüseyn məktəbin öyrənmişik,
Zalimə baş əyməmişik, əymərik!
Biz Əli tək cəngidə görsənmişik
Məzluma əl dəyməmişik, dəymərik!
► Əlaqə Vasitəmiz WhatsApp:+(994)514141288✔
► Kanala Abone olun və yeniliklər sizə gəlsin✔
Müəllif hüquqları "esa müzik" şirkəti tərəfindən qorunur.
26 авг 2024
