Haitham Yousif - Asaal Ana [ Music Video ] | هيثم يوسف - اسأل انا 

شباب ملاحظين اللي الاحظه انه كل اللي موجودين وجاي يسمعون هيثم يوسف همه راقين بحساسهم وصادقين بمشاعرهم لا معزوفه ولا طربگه ربي يحفضكم 🌺🌺

كل المتواجدين في تعليقات اغاني هيثم يوسف لديهم قلوب بيضاء احبت بصدق ولكن خذلت وفقدت طعم الحياة

اني من جيل الطيبين جنت اسمعه بمراهقتي وهسه ابني يسمعه عمره ١٨ سنه فديته يحب هيثم فدوة لعمرك ابني افديك بروحي طالع علا امك وربي يحفظ الفنان الراقي انشالله عمر وعافيه هيثم يوسف ربي يطول عمرك

مواليد 78 وجان هيثم يوسف فنان مراهقتي جنت بلتسعينات باول شبابي ومراهقتي جنت احضر الكعده العصريه وي صديقتي وبت جيرانه ونسمع كاسيتاته وتاخذنه الصفنات والاهات وكلمن يحن كلبها علي البالها 😅 اويلي منوكبرنا وليش كبرنا وليش تغيرت احلامنا !؟ كافي يدنيا كافي موكافي اي والله صدقت يهثم تعذبنا وتمرمرنا وفقدنا اعزاز واحبابنا شفنه الشيب بين وصفنه ع المرايه شوكت تغيرت ملامحنه ! الزمن مارحم روحنه الحلوه وكلشي دفن وشلنه هموم .

اغلب الي يسمعون هيثم يوسف قلوبهم بيضاء خاليه من الكراهيه قلوب احبت بصدق دون النظر الى الطائفة او الدين او العرق

وينهم مواليد الثمانينات والتسعينات يجي بصفي ويحط لايك

صارلي ٢٣ سنة اسمعك بلا ملل صوتك واحساسك مثل المخدرات كل كلمة تكولها ترجعني لشوارع بغداد لريحة اهلي وجيراني ل ايام الخير 💔

كنت اسمعها في التسعينات ايام الجيش مع صديقي المسيحي سيركون بلبوس يوسف من الموصل ياترى اين انت الان ياصديقي 😢

ريتا ...انيتا ... ريفا ... جيرانه المسيحيين بالتسعينات هاجرو الان في كندا او الله اعلم اي مكان في العالم...كلما اسمع هيثم يوسف اتذكركم...دورت عليكم بالتعليقات محاوله فاشله لايجاد خيط يدليني بيكم...ايام جميله بالتسعينات كضيناها سوه...ياريت اعرف اي شي عنكم...مره ريتا كلتلي قبل السفر كلما تسمع هيثم يوسف اذكرني...مازلت اتذكركم...ياترى تذكرونه وتذكرون ايام منطقة الدوره... الله على ذيج الايام..

اااااااوف هيثم اموت من اسمع اغنيتك هاية بالذات تذكرني بأخوية حبيبي متغرب واني تزوجت وصار عندي اطفال وهو مشافهم ميته على شوفته..كل واحد يقرا تعليقي يدعيله ياخذاقامه ويرجع بس نشوفه(ليش رحلت وتغربت..خوفي حبيبي من البعد تنسانا) الله يحفظك ياقلب اختك

كنت اسمعها بالنادي الطلابي في المعهد التقني كركوك من سنة 1999 ل 2002 و انا في حالة حب ... فعلا سماعها كانت بمثابة تقطيع الاحاسيس و المشاعر .. و لا زال اعيش نفس الطعم اللي كنت اعيشه بذاك الزمن

اغلب يحبون يسمعون هيثم يوسف يقدسون شي بقلبهم بغداد والحب وصادقين صادقين بمشاعرهم تحياتي لعشاق لأمير الحب .

كل يوم لازم اسمع هاي الاغنية واشوف الفيديو لان هذا فيديو عظيم ميتكرر ولان صوت هيثم طابع بالذاكرة وبس تسمعه يرجعك لايام بغداد الحلوة واهلها الطيبين

اووووف ياهيثم بذاك الوقت تسأل الليل وين ودتنه دنيانا تعال هسه وشوف وين ودتنه لزمن اغبر بعيد عنك 😂😂😂😂 هذا تعليقي من قهري على ايامنه القديمة الراحت وظلت بس ذكراها المؤلمة واغاني هيثم اللي تدگ بالقلب ☹️

هيثم يوسف الصوت الدافئ الذي شكل بصمه في الطرب العراقي برغم بعدم وجود موال لكن كون لون غنائي مميز وجميل مملوء بالاحاسيس من يوافقني الرأي

كننا مجموعة شباب مانسمع الا لهيثم ونسهر على اغانيه المجموعة نصف توفا الله يرحمهم والنصف الثاني هاجر وبقيت لوحدي اسمع لهيثم اه اه كان عمرنا ١٦ سنة والان ٣٨ سنة

هذه الاغنية بالذات لكل العراقيين من تهجر و من سافر و من قُتل و من فُقد .. و كأن هيثم كان يعرف بأن أغانيه ستكون محطة لكل جروح العراقيين 💔

لا تنسوا ان تضعوا بصمة لكم ف الايام تمضي وتبقى فقط الرسائل مركونه لياتي جيل جديد يقرأ مذكراتكم !!!

كم عاشق الئ هيثم يوسف اني اول واحد 👍👍👍👍👍

وين جماعة الاحساس الراقي سنة 2024

منو يسمعها 2019😭❤️

يقال إن من يستمعون إلى هيثم قلوبهم بيضاء و الحياة جعلتهم أن يمروا بمواقف مره ♥️

تلك الأيام جميلة لن تعود يا هيثم فقط صوتك يذكرنا بزمن الوفاء والضمير عندما كانت بغداد جميلة بأهلها وعبق ماضيها أما اليوم كل شيء مهجور البيوت والأوطان والاحباب أموات نحن لكن على قيد الحياة كل شيء مات فينا فقط ذكريات هي التي تعيش معنا وتدق دقات تصحي فينا خيباتنا

وعيت على اغانيك احلى ايام المراهقة احلى شي من تسمعة والجو اذا جان مطر اي شخص يحب هيثم تلكي كلة احساس تحية ال اي شخص يحب هيثم وبل الاخص جيل الثمانينات

احله شي ب اغاني هيثم هيج احساس وتوديك ل ايام قبل 😭💔 😔💔اتمنه ارجع اصغيرة وم اعرف شنو حزن قهر وهموم. بس اعرف العب 💔💔

هيثم يوسف صوتك يسمعه القلب قبل الأذن نعشقك لأنك سبب بذكريات حلوه وبنفس الوقت توجع القلب .. متى ترجع العراق وسوريا لأيام الطيبين والنفوس الطيبه متى يازمن

*هـل اغنيـه تمـشي ويـه حـياتي مااتـصور راح يجـي فنان مثلك هيثـم .. حُـب كبيـر لهل أنـسان ❤❤*

نحن لانبحث على الاغاني القديمة بل نبحث على الذكريات التي تحملها 💔

ماكو احد يكدر يعيش احساس اغاني هيثم يوسف ويعرف لذة سماعها الاجيل الطيبين مواليد الثمانينات.

هاي الأغنية حيل متعبتني تذكرني بنفسي من جنت ويه حبيب عمري 'ولا زلت معه لكن لم اعد اتذكر نفس المشاعر كما كان في الاول

منو د يسمعها بزمن الكورونا 🦠🦠🦠🦠 .. ويمكن وراها لو استمر لو بعد فترة اموت 😰

هيثم يوسف لا يكرره الزمن..اغانيه تمثل حياة بأكملها

غربة و دموع و سهر خلص عمرنا و فات .. الله لا يوفق السياسين و لا يوفق كل ظالم .. ما عدنا غير هيثم يغنيلنا و احنا نتذكر و نبجي

شوف بغداد شلون نظيفة وناس مرتبة وراقية مو هسه حايرين بالرگص والردح والبلد وصخ والحكام حرامية .. ياريت على ذيچ الايام

ستبقى في داخل كل انسان ذكرى جميلةً جداً نتذكرها في صمتً و ضجيج في داخل أرواحنا ما أجمل تلك الأيام ما أجمل بـغـداد الغاليه و منطقة الصالحيه الجميله و جسر الأحرار بـغـداد ستبقين جميلةً رغم الذي حل بكـ آه

يولد إذا اكو واحد تتعبر أغانيه حرام فهو هيثم يوسف الله شاهد يحرك مشاعري كلها ينقلني من شعور الئ شعور اخر يعني شفت واحد جاي سفره من ألمانيا للعراق يشوف اهله ومصور من يصعد الطياره يرجع ل المانيا مخلي اغنيه اسال انا يا طير. يا أخي تكول سافرت وياه وكل ساع اشوف الفديو قامه من قامات الفن هيثم واحسن من كاظم بمليون طابق فن

ياويل گللبي على هالاحساس .. ربي يوحد العراق العظيم سنة وشيعة واكراد ويرجعو مثل اول واحسن .. الشعب العراقي على راسنا من فوق .. اخوكم من سوريا

سنة 2021 زمن الكورونا ولا زالت هاالاغنية تطرب مسامعي ♥️ كل مااسمعها احس روحي لاول مرة اغنية لكل زمان 🤍

والله شكو واحد يسمع الفنان أمير الحب هيثم يوسف هوه من ارقه المحترمين يعني قصدي الكلوب الصافية الي انخدعو من أقرب الناس ومن الحبيب تحياتي لااله كل من مجروح اني هم مريت بهل شي

فنان مظلوم اعلاميا والله انه من افضل الفنانين في الوطن العربي شكرا هيثم على هذا الصوت الاكثر من رائع

منو يسمعها ب 2019 فدوه لصوتك امير الحب واحساسك الي ماكو منه❤️

شكد احبها ع رغم عمري 19 سنه بس حبيتها وحبيت كلماتها لان حبيت شخص 3سنوات وكل واحد من محافضه ولمن اشتاقله اسمعها لحد ماربي فرجها علينه ونخطبنه وربي يتمم باقي حياتنا ع خير ويفرح كل ثنين يارب 🤭🥺💙💙

يارب بعد اسبوع زواجي من اجمل انسان بالعالم وحب العمر وحب الحياة يارب اتسهل الامور وتجمعنا على خير وتفرقنا على خير 27-10-2020 براء احبك 🧡🧡🧡

أني بغدادية بس مغتربة من سنين اجيت مرتين قبل سنين شكد حلو صاير العراق وتطوراته بس ناس الطيبة ما شفتهم ورحت لقبور امي وابوية وروحي بجت دم وشكد أتضايق واختنك اكو شي يمنعني

غربة ودموع وسهر خلص عمرنا وفات 😢 اليوم يصادف ٧سنوات من تغربت وعفت اهلي وناسي هسه كاعد ازين لحيتي وشفت شعري كله شيب انقهرت ودمعتي بعيني امريكا تعبتني حيل مو مثل مجنت بال عراق و تركيا مرتاح وسعيد نشاءلله تفرج علينه وعلى امه محمد وعلى كل عراقي شريف وعلى اخوانة المسيحين الهم كل الاحترام والتقدير

الله ياهيثم بعدني اسمعهه ب 2018 الي يسمعهه ﻻيك

🔴🟡🟢ألف تحية طيبة وعطرة لكل عشاق هيثم يوسف 💔 من ألمانيا 🇩🇪 👑

ومن سيخبر الشهداء أن أعداء الامس أصبحوا رفقاء اليوم😢

الاغنية رقم واحد عندي اغنية ابدية سرمدية كل مقطع من هاي الاغنية عبارة عن تذكرة مجانية للسفر حول انحاء العالم.. اهدي هاي الاغنية لكل حبيب وكل صديق واعز صديق عمر الجنابي اتمنى تذكرني بهاي الاغنية مهما دارت بينة الايام، محبات ابدية بحجم السماء،

هَيثمم بحزن صوته بتميُز موسيقاه بعُمق كلماته ياخي عالم ثانييي 🖤 + إي إيي مواليد ٢٠٠٠ و نسمع هيثم ف بطلوا هالنظرة إللي تنظرون بيها النا باستحقار متناسين ان أصغرنا هسه طالب جامعي . فخورة بكوني من هالجيل "جيل التغيير و عدم الخضوع" ، جيل اذنه موسيقية يسمع حليم و ام كلثوم وووو الخ ..🖤

من اغاني جيل الثمانينات💔 ايباااااه رجعت سنوات لأيام الكلية جنا نسمع اغاني هيثم الراقية بالسيارة بالطريق للجامعة . التاريخ حاليا 29/1/2022 😢

اجمل ايام العمر فترة التسعينات 😢ناس حبيناهم وفارقناهم وفارقنا العراق ياما بجيت على هالاغنية شوقا وكانت النهاية الفراق وكل واحد يعيش في بلاد بعيد عن الثاني 😢

مرات اگول الناس خربت والجيل فسد والحب طاح حظه من صارت اغاني نور الزين وامثاله منتشره وهيثم وامثاله يندثرون ..! للأسف ما بقى جيل يحس بهاي الاغاني لكن يبقى هيثم المحبوب لدى الجيل المثقف والواعي هيثم امير الحب

كل ماضوج اجي اسمع هيثم 🙃 رغم اغانيه حزينه بس تبقه احله وارقى من كل الاغاني. 2021/6/22 2:33

اغاني العصر الذهبي شلون ايام حلوه رغم قساوتها لكن مرتاحين مانفكر بموت ولا نفكر بعيشه ولا نفكر بالمستقبل / لا نفاق لاكذب ولا دجل ولا حقد كنا عايشين ع الفطرة واحد يحب الاخر 💔🥺

عزيزي هيثم الورد...... أشكرك من صميم قلبي لعظمة اختيارك كلمات والحان أغانيك الروعة ولعظمة إنسانيتك وتواضعك ومحبتك للعراق. كل أغانيك تداوي جروحنا النفسية كعراقيين بكل قومياتنا وأدياننا بسبب فراق بلدنا الحبيب أو من قساوة أو غدر من أحببناهم كذلك تعطينا الفرحة والابتسامة والتفاؤل. الحقيقة السعيدة هي ان العراق لم يكن له مغني بهذه القدرة على الاطلاق وانت تستحق أن تكون أفضل وأسعد مغني للعراقيين يا بطل. أتمنى من الرب ان يحميك ويديم عليك الصحة والسعادة والتوفيق آمين🙏.

رجعت 20 سنه أيام كليه الرافدين بشارع فلسطين امده لندن الي اني عايش بيه هسه اذا تسوا يوم واحد من ذيج الأيام الحلوه

هاي الاغنيه الها معزه خاصه بقلبي وحتى من اغنيها أحسها إليه 😥😥

اووف منو يسمع الغنيه بهل وقت مثلي

جرحك حبيبي كبر طولة ويه طول السفر تعبت محطات العمر 😢 منو من جيل الطيبين ايام كليتي اني وصديقتي نسمعها 😣

كنت احب انسانه وعمري 23 سنه يمكن كل شخص مر بهل حاله وربما اكثر كان الامان وزمن جميل بي نكهة اللقاء وكتابة رساله وتلفون الارضي انتظره بلهفه بي امور هواي كان جوا بليل يخليني اهداء حتى اشم ريحة وروود اشجار ليمون وبرتقال ربيعيه كنت مسوي دفتر الها اكتب بي يوميا كيف التقي واشوفها لحيين العوده من الجامعه الله يازمن صار كولشي ضدنا والاكثر حزن غربة بلد

هيثم يوسف جنت أسمعه بالطفولة ومجنت أحس بمعنى اﻷغاني لحد مكبرت وحبيت وحسيت بكل كلمة غناها

شوكت ارجع للعراق 💔 مشتاكه اشم تراب الوطن مشتاكة الج يايمه الغربة تكتل شفرقنة حبيبي مشتاقتلك حيل 😭 ادعولي ارجع لوطني و لامي ولحبيبي

الله الله 🥲 أتذكر سنة 1998كنا نسمعها أنا وأصدقائي هاشم ومهند واحمد من كنا نطلع للدوام بتيوان وكل شخص يحمل ما يحمل من ذكريات وعيونه تفضحنا كل ما اسمع هاي الاغنيه أتذكر صحباني وين صار بيهم الدهر😭🥲

"ذهب ذاك الحب الصارق خالي من المصالح والكذب والنفاق تحيه من القلب لسامعي هيثم انتم اوفياء"

وينهم عشاق أمير الحب ألي يسمعها 2019 يدوس لايك فهنا القلوب واحدة تجتمع في نفس المصير

جانت عندي صديقة من القومية الصابئية اسمهة ساندي حيل اجتي على بالي هسة شكد جنت احبهة اموت عليهة جانت صديقتي المقربة جدا بعد احداث العراق سمعت بيهم هاجرو للخارج هسة دائما ادور عليهة بمواقع التواصل على امل اشوفهة او اعرف شي عنه

أجمل الأوقات بدليل انها تتضمن أجمل الأغاني.. ذكريااات

قمة الخذلان أن أنهض من نومي متألماً، أتحسس ظهري فإذا بطعنتك قاتلة، وجرحي منك ينزف والظهر مشطور لنصفين، أوما كفاني ظلم الأيام لتكوني أنتِ والأيام ضدي. Ammar

أسأل حبيبي شوكت تجمعنة الولايات غربة ودموع وسهر خلص عمرنة وفات

علقوا لان راح تجي وره سنوات تقره. تعليقك ٢٠١٩/٧/٢٥ تبقى ذكريات

الي يسمع هيثم يوسف خلي يكون على يقين بأنه صاحب ذائقة رفيعة جداً، صوته ،الحانه تعيشك احساس خيالي وتعيد الذكريات ابالك وتكون مشاعرك جداً جياشة ❤️

ومازلت اجهل هل ما بعد البعد والجفاء ! يحن القلب نبضا لهم ؟؟ !!! ويهيم عشقا كلما خطر بالبال اسمائهم !! اليسوا هم من دهسوا كبرياء الحب باحذية الرحيل!! وداسو على قلوبنا واسكنوها الوجع بدلا من رد الجميل ......!! هيثم يوسف (اسال انا )

مجرد أغنية قصيرة مجرد كلمات بسيطة تعيد الأنسان عمر كاملا اننا نسترجع اعمارنا لحظات وهذا اعظم ما في الأنسان

هذا الفن الي كانت حتى الرجولة حياء ، تحية حب لاهلنا العراقيين

احلى ايام جنت اسمعها ويه صديقاتي بل معهد ياريت لو ترجع الايام بينا

الله الله عليك ملك الاحساس هيثم محد قبلك ولاا بعدك يملك هالاحساس المرهف تحياتي لكل معجبينك لان اكيييد حساسين وذواقين مثلك

اسال حبيبي شوكت تجمعنا الولايات .... الله يا بغداد هلمقطع يرجعني لبغداد 💔 😞

التصوير اغلبه بمجمع ٢٨ نيسان ( الصالحيه )

شكرا هيثم ، شكرا للملحن، شكرا للموزع ، شكرا لصاحب الكلمات ، شكرا لكل من اشترك بهذا العمل . نقطة راس سطر

فد شي ...الي يسمعها فد لايك حلوو 😘😍

حبييتي R يا اجمل انسانه للأسف فرقنه القدر والظروف والناس الظلام انا لليوم مناسيج ومنسيت حبنا الحلو اتمنى بيوم تشوفين تعليقي..حبييج المخلص ايمن الجنابي بغداد

الله اشكد طالعا حلوة بغداد بالاغنية حرامات مالحكت على ذيج الايام حياتي كلهه حروب يارب ترجع بغداد الجميلة عروس قارة اسيا

هاي الاغنيه من اسمعها أتذكر بغداد القديمه الزمن الجميل ناسنه واهلنا الطيبين جيل قبل أتذكر شوارع بغداد القديمه الغنيه عباره عن ذكريات 💔💔

شؤكت ارجع واشوف امي واصدقائي واحبابي تعبت والله صار سنتين بدون أقامه دا انتضرها وتعبت اي واحد يشوف تعليقي خل يدعيلي استلم الاقامه وارجع اشوف امي واصدقائي

اجمل ما في اغاني هيثم اﻻحساس وذكريات كل حب صادق ذهب من غير رجعة وتبقى فقط الذكريات وصوت هيثم الله عليك يمكن اني اول عراقي حبيت هيثم وكان عندي مسجل صغير بسنة 93 كنت احب اسمع هيثم ومن وراية صارو محبين هواية لهيثم تحياتي الك يا امير الحب وين ما تكون

جماعة تاج راسك ما يفهمون معنى ذاك الوكت ، زمن الحب والأمان والمودة ... ااه يا بغداد

هاي الاغنية كلش احساسها عالي والناس تحب تسمعها دائمآ 💞🤩

الله ... شكد حلوة هالفترة قمة المشاعر والأحاسيس بالاغنيه عند سماعها فعلا نجوم شباب لمعو في بغداد هيثم يوسف ومهند محسن واسماعيل الفروجي ورائد جورج احلى تحيه لموااليد السبعينات لان هم جذور هذه الفترة❤

الله ع زمن الجميل جيل التسعينات رروعه وماكو احد بطيبة گلبهم وحب صادق وشريف

تتراقص الكلمات مع دقات البيانو و صوت الكمان الحزين و صوت هيثم الحنين لتخرج اجمل إحساس و أصعب و أروع الذكريات ..

شكد جنت اسمعه ل هيثم يوسف بس من دزتلي اغنيه ل هيثم يوسف صرت اسمع كل اغانيه وما امل منهم يارب تصير الي وتعترفلي بحبها ♥️

إني كل فتره ادخل على التعليقات واحب اسمع قصص الناس 😊😍

بالنسبه للي يكول لسه تسمعون لهيثم حبيت اكوله احنه ب2018 والساعه3:23 ودا اسمعهه😍

كلبي كام يوجعني من اغانيك شنو هالاحساس والتصوير وتجسيد كل حرف بالاغنية وتوضيف الحركات بدون تصنع انت رائع جدا جدا جدا جدا جدا

ديسمبر 2022 وراح نفوت ب 2023 واني هيثمية العشق وللابد اغانيك ما ينمل منها امير الاحساس ♥️♥️

اوووف ربي ليش هيج سويت بينه ادعووو لحبيبتي مريضه وحالته خطره فدوووه ادعوله😢😢

اني اجي كل فترة هنا بس حتى اقرأ التعليقات مالتكم واعيش وياا كل شخص معاناته و ذكرياته تقريبا صارلي سنة على هذا المنوال واني مواليد 2002 تحياتي الكم 🙂🙂☺☺⚘⚘

راحت الرقه والجمال والذوووق بعد هذا النوع من الغناء ... سلام على الأرواح الطيبه 🌹

احب اسجل ذكرى هنا 2022/2/15 ساعة 11.58 م احبج طيوفتي ❤️