من اسمع هاي الاغنيه احس بالحزن وتخنكني العبرة تذكرني بايام شبابي ايام كنت بيهه ماعرف شكو ماكو لاهم ولا تعب صح كنت حالتنه فقيرة بس كنت طاااير بالدنيه اه على ايام زمان
الله عايام الزمن الجميل راحت شباب وماترجع كبرنا والأغاني صارت مالها طعمه وبغداد الحبيبه نهبوها المغول والتتر والشعب ينزف مع. الأسف وتغربنا صارلي سنين ماشفت بغداد ضلت بس ذكريات الله يحمي العراق واهله من الشمال للجنوب هيثم أمير الحب تبقى بكلوبنا واغانييك ماتنسي فدوه لهل الصوت والله رح ابجي
جيل الثمانيات بس يفهمون ويحسون بااغاني هيثم وكل اه يگولها والالحان الي اجمل من كلمات الاغنيه عشت قصه حب ويه هيثم يوسف من ٩٧ وچان عمري ١٥ سنه وحنيت وسمعت هاي الاغنيه اليوم بتاريخ ١٥/أذار /٢٠٢٣
الله يذكرچ بالخير الي بالي والله عشنه ايام حلوة بس شسوي القدر فرقنا كان ماضي جميل ماينسي ..ابدا ..على قدر حبي لهذه الاغنية واستمراري بسماعها..ستبقى هذه الاغنية تذكرني بذالك الماضي الجميل ..فعلا ياحسرتي على الراح
حبيت بنت من أجمل نساء الأرض وهديتها قرص لهيثم يوسف وكنا نسمع هيثم اثنينا لكن ماصارت من نصيبي وتزوجت شخص لاتحبه ومن رزقت بطفل سميته انا هيثم، وبعدها ماتت حبيبتي بعمر ال ٢٥ ولحد الان من اشوف ابنها هيثم ابوسه واشم ريحة امه بيه، وكل ما اسمع هيثم اذكرها رحمها الله
ما شاء الله الي ايكول نتحسر هذا بيا كوكب عايش مو بالعراق اشلون ما كان ايام التسعينات رغم ماكو كهرباء وحصار بكل شي جان اكو شي اسمه الامل .....هسه حتى هذا رااااااح كل شي سويينا حتى تتغير الامور لكن الاسف الخيانه والمصالح اتغلبت ويمكن راح نبقى نتحسر صحيح قبل ما غير التلفزيون ابو الاريل بس مطمئنين هسه امكيف عل الفساد الي صار بكل مكان ...........
من أسمع هاي الأغنية أحس عبالك كلبي طايح بالكاع وواحد يدوس بيه وأموت ألف مووتة بالثانية وابجي بجي تعرفون ليش لأن قبل مااتزوج جنت احب شخص ويحبني حب صادق وشريف وخطبني 3 مرات واهلي يرفضون وبعدين تزوجت واحد من عمامي وبعدين شفته آخر مرة قبل ماتزوج وجنا نبجي اثنينة وكلي اريدج تسمعين هاي الأغنية اهديها الج وقبل مااتزوج ب 4 أيام جانت تطلع هاي الأغنية بالتلفزيون وسمعتها وتذكرته ومتت من البجي وقبل سنتين توفه هذا الشخص بحادث سيارة وهسة جاي أسمعها وأحس روحي تريد تطلع من جسمي من الألم والحزن
تحية محبة للأخ العزيز حازم فارس ملحن هذه الأغنية ... وتحية للأخ هيثم يوسف على هذا الاحساس ... والرحمة للأخ علاء شاعر هذه القصيدة الجميلة ذا الاحساس المتكامل ... عزيزي هيثم ... اذا تقرأ رسالتي اتمنى تكون بخير ... مو بس هواك اختلف والماي والايام اتحدى عينك اذا تكدر بلحظة تنام اتمنى تعجبك هيج اغنية ... د . عدنان البصرة
