Hara gedir sabahimiz? Uzun illər düşünmüşəm: Millətlərin cərgəsində biz də varıq. Yurdumuza qəsd edənin Gözlərini oyanlarıq. Biz o qədər nəcibik ki, Bir balaca işarədən söz anlarıq. Haqla zoru ayırd edib öz yerinə qoyanlarıq… *** Millətimin taleyini Mən düşündüm zaman-zaman. Keçdi zaman, keçəmmədik Gördüm, əsrin sınağından zaman yaman harın imiş. Demə, əsrin şadarası narından da narın imiş. Keçəmmədik o taya biz. Şadarada qaldı bütün kəsirimiz. *** Əsrin böyük sınağına Demə, hazır deyilmişik. Yoxuşu düz yol bilmişik. Indi ulu Yaradandan soruşuram: - De, kimik biz? Məzlumuq, ya zalımıq biz? Vaxtla tələb arasında Bəlkə bir gün dolaşmışıq, Vaxtın hansı döngəsində biz şaşmişiq ? Daş üstündə göyərməyən bir tumuq biz. Özümüzə zalım ikən, Başqasına məzlumuq biz. Əldən gedən torpaq üçün ürəyimiz çilik-çilik. Zalım bizdən torpaq alıb, Biz zalımdan sülh istərik. Özümüzə dal çevirib Özgəsinə qardaş dedik. Biz yalanı körükləyib Həqiqətə sirdaş dedik. *** Özgəsini yamsılayıb elə bildik: Biz də dönüb ərən olduq. Sərdiyimiz toxumların meyvəsini Qarabağda dərən olduq. *** Biz köhnənin xəstəsiydik, Mərəzimiz bəlli idi Sabirlərə, Cəlillərə. Yaramızdan qan açıldı Qarabağda birdən-birə. *** Mədəmizi ağlımıza Dəyişməyi şərəf sandıq. Özgəsinin qabağında toyuq olub Evimizdə xoruzlandıq. Qonşumuzun aclığını Bilib rahat yatırıqsa, Ləyaqəti, dəyanəti Vəzifəyə satırıqsa, Dostumuzdan donos yazıb Arzumuza çatırıqsa, Demək, bizdən üz döndərib Allahımız, Hara gedir sabahımız? *** Dəryamızı bəyənməyib Özgəsinin hovuzunda üzürüksə, Yad dilində dil-dil ötüb Doğma ana dilimizə Əgər dodaq büzürüksə, Inamımız, imanımız Ya heç yoxsa, ya çürüksə Demək, bizdən üz döndərib Allahımız, Hara gedir sabahımız? *** Vicdan adlı bir mələkdən üz döndərib Iblisliklə barındıqsa, Ləyaqəti tapdalayıb Özümüzdən yuxarıya yarındıqsa, Dinimizi pula satıb Özgə dinə sığındıqsa, Ruhanimiz dəllal isə, tacir isə, Anasının əmcəyini Kəsən ilə əlbir isə Rüşvət “Hacı” rütbəsini Qazanmağa tədbir isə Demək, yoxmuş Allahımız, Olmayacaq sabahımız? *** Bir ölkədə satan varsa Öz halalca torpağını, Biz özümüz söndürdüksə Dədəmizin yandırdığı ciraginı, Ayır görüm əməllərin Qarasından sən ağını. *** Bu nəsildən o nəsilə tel qırıqsa, Tayfamızı millətimiz, Evimizi Vətənimiz sanırıqsa, Vətən, millət namusunu danırıqsa, Demək, bizdən üz döndərib Allahımız, Hara gedir sabahımız? *** Ömür boyu haram yeyib, Başqasının halalına cumuruqsa, Bir tikəyə möhtac olan əlacsızdan Əgər rüşvət umuruqsa, Gözümüzlə gördüyümüz dəhşətlərə Gözümüzü yumuruqsa, Özümüzdən ağır gələr günahımız, Özümüzü yandıracaq öz ahımız. Demək, bizdən üz döndərib Allahımız, Hara gedir sabahimiz?
Heqiqeten hara gedir Sabahimiz?! Allah bize rehm etsin!Bizi bize qaytarsin..Qeyretimiz,Namusumuz ,kecmiwimiz hamsi uz donderib bizden... Agliyir Azerbaycan!Allah rehmet etsin sene Boyuk Vahabzade!
@@vusalliyeva8152 üstündən 8 ay keçib sizində rəydən vəziyyət olduqca pisə gedir. Bayaq trentdəki iyrən bəşir gəlir videosunu görüb bu şeir yadıma düşdü dedim bir dinliyim.....
Millətimin bütün dərdlərini dilə gətirən şairim! Allah bizim millətə ləyaqət hissi ilə yaşamağı, özümüzlə, dilimizlə fəxr etməyi, özümüzü sevməyimizi nəsib etsin. Bəlkə o zaman heç kəsi yamsılamaz, heç nəyə satılmarıq!!!
Böyük Usdad ! Rahat yat ! Ruhun şad olsun.! Başını qaldır bax ! Qarabağı almışıq ! Qarabağ Azərbaycandır ! Bəxtiyar müəllim amma çoxlu şəhid verdik . Allah şəhidlərimizə rəhmət eləsin ! Torpaq üstündə ölən varsa Vətəndir !!!
cox sağolun dahi şairimizin sesin eşitdik ,cox özleyirem onun şeirleri ,varlığı ,müdrikliyi o cetin günlerde güc verirdi,inam verirdi,obu dünyadan haqq dünyaya köcenden ele bil ücürüm altında qaldı bu millet ,onun bır kelmesi bizi ayağa qaldırırdı ,sizden sonra bize o gücü veren olmadı,hec unutmadım sizi mekanınız cennet olsun bu milleti sizi qeder seven ,derdin dile getiren olmadı Allah rehmet elesin dahi şair
Qonşuda dırnaqarası qaçqınjar var,onlara baxanda mənə elə gəlir ki onlarda vicdan deyilən şey anadangəlmə olmayıb ,bəlkə də nəsilikcə Deyərsiz Bəxtiyar Vahabzadəni dinləyəndə elə bilirəm ,onları tanıyır və bu sözləri məhz onlar üçün yazıb.Çünki vicdansızlıqdan doğan bütün xüsusiyyətlər var onlarda.
