E rere ana aku mihi ki ngā tāngata katou i roto i tēnei kauhau. I te korenga o ā rātou awhina ki te tautoko te whakarauoratanga o te reo Māori, kāore e kore ka mate te kaupapa.
I tipu ake matou ko oku tuakana teina i te Akau o Waipiro kei te Rohe o Ngatiporou. He Pakeha o matou Whanau Patata. He Pakeha nga Kaiako i to matou kura tuatahi. He Pakeha nga Kaimahi o to matou Toa hokohoko ara ko te Waipiro Trading Kamupene. He Pakeha nga Rangatira o te Poutapeta, me te Whare Whakawhanau Peepi...te Maternity Home me kii. Ka hangaia e Pakeha ma he Whare Karakia. Kei reira tonu aua Whare e tu ana. Na Pakeha ano i hanga te Hohipera o Ngatiporou ki te taone o Te Puia Springs . He ingoa na ratou ano i waitohu na runga i te kitenga o etahi tohunga putaiao, i tetahi momo waiwera piro nei te kakara i pupu ake ana i te whenua pera i nga ngawha o Rotorua i honohono ai te Matauranga Maori me te Matauranga Pakeha i runga i nga whakaritenga o te Matauranga Wairua.