Kwentong pag-ibig ph | HINDI KINAYA NG MATAPOBRE ANG PILYANG DALAGA, IMBIS NA LAYUAN ANG NOBYO PAGKATAPOS TANGGAPIN ANG PERA NG MATANDA, PINAKASALAN PA NIYA ANG NOBYO | FULL STORY | kwentong pagmamahalan
Written by: Zxoul Aehco
Narrated by: Sasa
Edited by: Amihan
Isang engrandeng selebrasyon iyon kasabay ng ika-dalawang taong pamamahala niya sa automotive business. Isa ito sa mga negosyo ng pamilya nilang ipinagkatiwala sa binata.
Nang humupa ang palakpakan at ingay ay nagsalita si Dustin, "Nagpapasalamat ako sa mga bisitang dumating sa nakapa-espesyal na araw na ito. Sa aking pamilya na walang sawang-"
Hindi na natapos ni Dustin ang sasabihin nang maramdaman ang likidong dumaloy mula sa ulo niya pababa sa suot na mamahaling suit.
Singhap at tili ng ilang bisita ang maririnig sa buong lugar.
Nang lingunin ni Dustin ang pangahas na nagbuhos ng alak sa ulo niya ay nakita niyang isang babae ang may gawa.
Sa unang tingin ay agad nagandahan si Dustin dito kahit pa halata ang inis sa mukha ng dalaga.
"Happy birthday, Dustin. Buti nga sa'yo!" ani Bella matapos ibuhos sa ulo niya ang laman ng isang buong bote ng champagne.
"Security!" sigaw ng organizer ng party sa hindi kalayuan.
Nang marinig iyon ni Bella ay dumila pa siya kay Dustin bilang pang-aasar bago tuluyang tumakbo paalis sa lugar.
Mabilis siyang tumakbo, sanay naman siya sa habulan. Ngunit dahil sa suot niyang dress at heels na hiniram pa niya sa kaibigang bading para makapuslit sa selebrasyon ni Dustin ay nahirapan siyang makalayo.
Nahuli si Bella ng dalawang security staff bago pa siya makalabas sa venue. "Ano ba, bitiwan niyo 'ko! Idedemanda ko kayo!" sigaw niya habang nagpupumiglas.
"Ikaw ang tumigil, Miss! Nanggugulo ka rito! Dadalhin ka namin sa police station para managot sa ginawa mo," sabi ng isang security staff na hawak siya sa isang braso.
Kinabahan naman si Bella kaya sinipa niya ito sa paa. Natisod ito dahilan para mabitiwan siya habang tinulak naman niya ang natitira pang isang security staff.
Nang tuluyang makawala ay mabilisan niyang hinubad ang suot na heels at saka mabilis na tumakbo palayo.
Sa parking lot siya dinala ng mga paa. Sakto namang nakita niya sa hindi kalayuan si Dustin na naglalakad habang hinuhubad ang suot na suit. Sinundan ito ni Bella na pumasok sa isang magarang kotse.
"Butasin ko kaya 'yung gulong ng kotse niya? 'Di pa 'ko tapos makaganti, e," bulong niya saka mas lalong lumapit sa sasakyan.
Paglapit niya ay naririnig niya ang malulutong na mura ni Dustin habang kinukuha ang reserbang damit sa kotse. Mabilisan itong nagpalit ng damit upang agad makabalik sa loob ng building.
Habang abala sa pagbibihis ay walang kamalay-malay si Dustin na nagawa nang mapasok ni Bella ang loob ng sasakyan nito. Pagkaalis ni Dustin ay saka lang umayos ng upo si Bella habang nakatanaw sa papalayong pigura ng binata.
Nanatili si Bella sa loob ng kotse hanggang sa tuluyang matapos ang selebrasyon. Muntikan pa ngang makatulog si Bella sa paghihintay sa binata.
Pagkaupong-pagkaupo ni Dustin sa driver-seat ay wala ng sinayang na oras si Bella. Agad niya itong tinutukan ng takong ng sapatos sa leeg. "'Wag kang gagalaw at sisigaw kung ayaw mong masaktan," babala pa ni Bella sa binata. Napatingin si Dustin sa rear view mirror at napagtanto kung sino ang babaeng pangahas.
"Ikaw na naman, Miss? Ano bang kailangan mo sa'kin?"
"'Wag ka nang maraming tanong at magmaneho na lang!" utos ni Bella dito.
Nang tingnan ni Dustin ang sarili sa side-mirror ay natawa ito. "Pinagbabantaan mo ang buhay ko gamit lang ang heels? Nagpapatawa ka ba, Miss?"
Visit my Main Channel (AMIHAN STORIES) for more stories / amihanstories
Tags
#tagaloglovestory
#amihanstories
#tagaloginspirationallovestory
BEST VLOG CHANNELS
Jessica Soho latest episode
MOREntertainment
ABS CBN Raffy Tulfo in Action
GMA NETWORK
Related/Similar Channel
Istorya ni Amihan
Kat Amazing Stories PH
TaraTV Facts
Jayce Amazing Stories
MarizTV Inspirational
Love Stories
Inday Series
Soskalami
Mga kwento ni Ate Jane
Our Stories Behind
My Views Tv
DISCLAIMER:
"All the videos, songs, images, and graphics in the video belong to their respective owners and I or this channel does NOT claim any right over them. Copyright disclaimer under section 107 of the Copyright Act of 1976, allowance is made for "FAIR USE" for purposes such as criticism, comments, news, reporting, teaching, scholarship, education, and research. FAIR USE is a use permitted by scholarship, education, and research. FAIR USE is a use permitted by copyright."
All rights reserved. No part of this book/story may be reproduced, scanned, or distributed in any printed or electronic form without prior written permission from Amihan.
________________
Thanks to Keys of Moon Music | One Love by Serjo De Lua - / keysofmoon
His beautiful music is created under CC License
20 сен 2024