VERSE] Hi vawlei le a chung ummi thil hi Bochan awk tlak um lo Cikhat le caan khat ca lawng hmanh Hnangamnak an tling kho lo Sui le ngun ka ngei rua kan ti Chaw le va ka ngei cang kan ti Va bang thla ngei in an zuang dih Mitthli ah an cang than tawn CHORUS] Bawi Jesuh ngei tu hna nun lawng Hnangamnak tling ngei tu an si A zungzal nan sin ah ka um Kan kaltak bal hna lai lo Harnak caan ah hnemtu a si Zaangder caan ah thazaang pe tu (Thlichia le tilet tihnung Chung zongah kan himnak a si)x2 VERSE 2] Inn le lo tha kan ngei kan ti A rauh hlan ah mitthli an cang Motorcycle kan ngei kan ti Kan ngaihchiattertu an si Lei lawn motor kan ngei kan ti Micheu caah thihnak an si Hi vawlei chaw le va hna hi Phorhlawt tlak an si hrim lo VERSE 3] Fanu, fapa kan ngei kan ti Nu le pa ca’h mitthli an si Nupi le va kan ngei kan ti Lungfah tertu an tam ee Satil run zong kan ngei kan ti Dum le hau zong kan ngei kan ti Sisehlaw a donghnak ahcun Mitthli luantertu an si VERSE 4] Theipi kung zong tlai lo hmanhseh Lo chung thlai zong kho lo hmanhseh Mitsur le olive le theipi hna zong Tlai lo hmanh hna seh Bawipa ahcun kai lawm ko lai Habakkuk nun ngei tu kan si Mit in hmuhmi thil ah si lo Zumhnak in nungmi kan si