Hezillik On ýaşdan geçmänkäň hezil bu dünýä, Çägä togalanyp oýnabermeli. Obaň ortasyndan geçýän mes suwy Eşikli-eşiksiz boýlabermeli. On sekiz ýaşlykaň hezil bu dunýä, - Gyzlär meňki - diýip gepläbermeli. Gün-günden üýtgeşik gelýän günleri, Bir-birniň yzyndan sepläbermeli. Ýigrim bäş ýäşlykaň hezil bu dünýä, Durmuş gazanynda gaýnabermeli. Bir gözeli täç eýleýip başyňa, Dünýäň gujagynda ýaýnabermeli. Otuz bäş ýaşlykaň hezil bu dünýä, Gerdene alada ýükläbermeli, Uzak ýola çykan ýolagçy deýin, Ýetjek menziliňi çaklabermeli. Elliň depesinde hezil budünýä, Entekler ýaşlygy ýatlabermeli. Süýji günler bilen başagaý bolup, Ýyllarda-ýyllara ätläbermeli. Ýetmişden geçeňsoň hezil bu dünýä, Päkligi kalbyňa oýkabermeli. Öwüt-ündew berip ýaş-ýeleňlere, Şer işe başyňy ýaýkabermeli. Segsene çykaňda hezil bu dünýä, Çäjiňi harpykdan saýlabermeli. Ömrüň galanjasyn süýjülik deýin, Agtyk-çowluklarňa paýlabermeli. Seýdip sallançakdan soňky deme çen, Günleri arkaňda daşabermeli. Muň asyl, hezilsiz wagty ýok eken, Munda hezil edip ýaşabermeli. Hojaberdi Çaryýew, Maru-Şahu-Jahan gazeti