የምንቸት አብሽ ወጥ የግብዓት እና የቅመም ዓይነት ፣ መጠን እና የአበሳሰል መመሪያ
1. 300ግራም የተፈጨ ቀይ ሽንኩርት
2. 1 የቡና ማንኪያ ጨው እና ግማሽ ብርጭቆ ውሃ አድርጎ በመካከለኛ ሙቀት በእንፋሎት ማብሰል
(ሽንኩርቱ በደንብ ውሃውን ከጨረሰ በሃላ)
3. 3 የሾርባ ማንኪያ ዘይት መጨመር ዘይቱ በደንብ ከተዋሃደ በሃላ
4. 4 የሾርባ ማንኪያ በርበሬ (ቀላ እንዲል ከፈለጉ የበለጠ በርበሬ ይጨምሩበት ድስቱ እንዳይዝ ትንሽ ውሃ ጠብ እያደርጉ ማቁላላትን አይዘንጉ)
5. 1 የሾርባ ማንኪያ ብስል ቂቤ (ቂቤው በደንብ ከቁሌቱ ጋር ከተቁላላ በሃላ)
6. 1 የሾርባ ማንኪያ የማቁላያ ቅመም እንጨምራለን (የማቁላያ ቅመም በውስጡ ከሙን፣ ቁሩንፉድ፣ አብሽ፣ ኮረሪማ እና ጥቁር ቁንዶ በርበሬ አለው) ድስቱ እንዳይዝ ትንሽ ውሃ ጠብ እያደርጉ ያቁላሉ ከ15-20 ደቂቃ በመካከለኛ ሙቀት ካቁላላነው በሃላ
7. ግማሽ ኪሎ የተፈጨ የበሬ ስጋ እንጨምራለን (ስጋውን ከቁሌቱ ጋር በደንብ ካዋሃድነው በሃላ)
8. 1 የሾርባ ማንኪያ የተፈጨ ነጭ ሽንኩርት እንጨምራለን ነጭ ሽንኩርቱን በደንበ ካዋሃድነው በሃላ
9. በሾርባ ማንኪያ ልኬት ግማሽ (ሮዝመሬ ፣ ቀረፋ፣ ቁንዶ በርበሬ እና የዶሮ መረቅ ) እንጨምርና በደንብ እናዋህዳለን
10. 200 ሚሊሊትር የፈላ ውሃ ጨምረን ከድነን በከፍተኛ ሙቀት ከ10- 15 ደቂቃ እናንተከትካለን
11. 1 የቡና ማንኪያ ጨው ለማጣፈጥ እንጨምራለን (ሽንኩረት ለማብሰል ጨው ስለጨመርን እንዲሁም የዶሮ መረቅ ስላደረግን ጨው ስንጨምር መጠንቀቅ አለብን )
12.ወጡ እስኪንተከተክ እና እስኪወፍር ድረስ ከ4-8 እንቁላል እንደየፍላጎትዎ ውሃ ጥደን ውሃው ከፈላ በሃላ እንቁላሎቹን ጨምረን ከ12-15 ደቂቃ እንቀቅላለን
13. ወጡ የምንፈልገውን ይዘት (ውፍረት) ከያዘልን በሃላ ግማሽ የሾርባ ማንኪያ ለጋ ቂቤ እንጨምርና እሳቱን እና ጠፋለን
14. የቀቀልነውን እነቁላል ዙሪያውን ሰንጠቅ እያደረግን ወጡ ውስጥ እንጨምራን
15. አሁን የምንቸት አብሽ ወጣችን ዝግጁ ሆነ ማለት ነው
7 сен 2024
