Gitchambatsranggipa A·chik songrangoni damsa Derek song Goalpara districtni a·jao donga. Ua songo gittimsnimang donga aro poraigipa chatro chatrirang bang·en dongachim. Derek songo te·sa mangmang Higher Secondary School donga, jekon 1997 bilsio kuliaha. Uni ja·mano uko 2005 bilsio chu·gimik adhoc gadango ra·e adita bilsirangna chalaiaha. Uni gisepon, 2024 bilsio ua skulni Class 11-o poraigipa sak 80mang bi·sarangna sorkarini gita website portalko kulie on·jaha, chong·motan admission ka·na on·jaha ine SMC-ni dilgiparang aganaha. Maini bidingo iandakgipa obostarang ong·aha, Derek Higher Secondary School-ni Managing Committee aro songni manderang July 18 tariko Assam State Zoneni GSU, Garo Sahitya Sabha-ni dilgiparangko aro songni pilak manderangko okame Derek Community Hall-o chanchirimtokaha. Uni gisepon, pilak ong·a obostarangko namedake sing·sandie Education Ministerona aro gipin ministerrangko gronge kam ka·na gita GSU Assam State Zone aro Garo Sahitya Sabha-ni dilgiparang kang·kare kae ku·rachake ra·aha.
15 окт 2024
